Nida.az
Pakistan qəzetində Mehriban Əliyeva haqqında məqalə dərc edilib
Milyonlarla oxucusu olan Pakistanın nüfuzlu "Daily Times" qəzetinin 25.08.2015-ci il tarixli buraxılışında, qəzetin İslamabad baş ofisinin rəhbəri taninmiş jurnalist Dure Nəcəf Zaidinin "Hilal-e-Pakistan ordeninə layiq görülmüş Mehriban Əliyeva insanlığın xidmətində" adlı məqaləsi dərc edilmişdir.
Azərbaycanın Pakistandakı Səfirliyindən Trend-ə bildiriblər ki,
"11.02.2015-ci il tarixində Azərbaycanın birinci xanımı, Heydər
Əliyev Fondunun Prezidenti, UNESCO və İSESCO-nun xoşməramlı səfiri
xanım Mehriban Əliyeva Pakistanın "Hila-e-Pakistan" ali ordeni ilə
təltif edilmişdir. Bu ilk dəfədir ki, xarici ölkənin birinci xanımı
bu ali ordenə layiq görülmüşdir" sözləri ilə başlayan məqalədə
Mehriban Əliyevanın tanınmış ziyalı ailəsində böyüdüyü,
valideynlərindən insan dəyərlərinə hörmətlə yanaşmağı, poeziya,
mədəniyyət və musiqini sevməyi öyrəndiyi vurğulanmışdır.
Məqalədə, Azərbaycanın birinci xanımı Mehriban Əliyevanın 2004-cü
ildə Azərbaycanın Ümummilli Lideri Heydər Əliyevin adını daşıyan
fondun Prezidenti vəzifəsinə təyin olunduqdan öncə, 1995-ci ildən
xeyriyyəçilik ilə məşğul olduğu, Azərbaycan mədəniyyətini dünyada
təbliğ etdiyi vurğulanmışdır.
Heydər Əliyev Fondunun prioritet istiqamətlərindən birinin uşaq
problemlərinin həlli olduğunu bildirən D.N. Zaidi, Fond tərəfindən
yüksək standartlara cavab verən Talassemiya mərkəzi, məktəblər,
xəstəxanaların inşa olunduğunu, insulin və qan köçürmə
proqramlarının həyata keçirildiyini vurğulamışdır. Fondun
Prezidenti, Azərbaycanın birinci xanımı Mehriban Əliyevanın
təşəbbüsü və dəstəyi ilə bir sıra ölkələrdə uşaqlar və ahıllar
evlərinə maddi və mənəvi yardımlar edilmiş, əlil uşaqların
cəmiyyətə inteqrasiya olunması üçün proqramlar həyata
keçirilmişdir.
Məqalədə, Mehriban Əliyevanın mədəniyyət inkişafına verdiyi
töhfələrdən danışılaraq, inşa edilmiş Muğam mərkəzi, konsert
zalları, musiqi litseyləri, Niaqarada muğam günləri, Qəbələ
festivalı, Vivaldi və Gerşvinin musiqi kompozisiyalarının ifaları,
Strasburq kafedral kilsəsinin bərpası, Luvr muzeyində İslam
incəsənət mərkəzinin təsis edilməsi və Versal sarayında təmir-bərpa
işlərinin aparılması qeyd edilmişdir.
Yazıda, Mehriban xanım Əliyevanın 2004-cü ildə Azərbaycanın folklor
ədəbiyyatı və musiqi irsinin inkişafına görə UNESCO-nun, 2006-ci
ildə isə həyatın müxtəlif sahələrində genişmiqyaslı fəaliyyətinə
görə İSESCO-nun xoşməramlı səfiri titullarına layiq görüldüyü
bildirilmişdir.
Pakistanlı jurnalist D.N.Zaidi məqaləsində, bütün dinlərin
nümayəndələrinin ölkəmizdə harmoniyada yaşadığını bildirərək
vurğulamışdır ki, Azərbaycanın birinci xanımı dinlər arası dialoq
mövzusunda keçirilmiş bir çox beynəlxalq konfransların təşəbbüskarı
və təşkilatçısı olmuşdur. Birinci xanim Mehriban Əliyeva
“Azərbaycan Tolerantlığın Evidir” proqramı çərçivəsində
Azərbaycanda bir sıra müsəlman, katolik və ortodoks dini məbədlərin
yenidən qurulması və bərpasının təşəbbüskarı, həmçinin, icraçısı
olmuşdur.
D.N. Zaidi öz məqaləsində, Fondun diqqət mərkəzində olan idman
sahəsinə xüsusi yer ayırmışdır. Jurnalist vurğulamışdır ki,
Azərbaycanın Gimnastika Federasiyasının prezidenti olan xanım
Mehriban Əliyevanın nüfuzu sahəsində, 2003, 2004 və 2005-ci
illərində gimnastika üzrə dünya cempionatları Bakıda keçirilmişdir.
Yaızda, Mehriban Əliyevanın cari ilin iyun ayında Azərbaycanda
keçirilmniş Birinci Avropa Oyunlarının Təşkilat Komitəsinə
rəhbərlik etdiyi bildirlmiş, bu tədbirin Azərbaycanın birinci
xanımının idmanın inkişafına vermiş olduğu töhvələrin kulminasiyası
olduğu qeyd olunmuşdur. Bildirilmişdir ki, Azərbaycana təşrif
buyurmuş on minlərlə turistlər və idmançılar bu tədbirin ən yüksək
səviyyədə təşkil olunmasından heyran olmuş, Azərbaycan millisinin
Birinci Avropa oyunlarında ikinci yer tutması isə onlar üçün əsl
sürpriz olmuşdur.
Yazıda, Birinci Avropa Oyunlarının yüksək səviyyədə təşkil etdiyi,
həmçinin mədəniyyət, təhsil və səhiyyənin inkişafı istiqamətində
fəaliyyətinə görə Azərbaycanın Prezidenti cənab İlham Əliyevin
cərəncamı ilə Mehriban Əliyevanın Heydər Əliyev ali ordenin ilə
təltif olunduğu bildirilmişdir.
Pakistanlı jurnalist, Avropa Oyunlarının Mehriban Əliyevanın
başçılığı ilə həyata keçirilən ilk meqa tədbir olmadığını
bildirərək, Azərbaycanın birinci xanımının Avropanın ən mötəbər
mahnı müsabiqəsi olan “Eurovision-2012”-nin Bakıda keçirilməsinə
rəhbərlik etdiyini qeyd etmişdir. Vurğulamışdır ki, Azərbaycana
gəlmiş on minlərlə xarici qonaqlar Azərbaycan xalqının
qonaqpərvərliyi ilə tanış olmaqla yanaşı, yüksək səviyyədə təşkil
olunmuş müsabiqədən çox razı qalmışlar.
Dure N. Zaidi Heydər Əliyev Fondunun Pakistandakı fəaliyyətinin
2005-ci ildə baş vermiş zəlzələdən sonrakı dövrə təsadüf etdiyini
qeyd edərək, bildirmişdir ki, 2007-ci ildə zəlzələdən zərər çəkmiş
Müzəffərabad şəhərində Heydər Əliyev Fondu tərəfindən qızlar
məktəbi inşa edilmiş və 2012-ci ildə orada əsaslı yenidənqurma və
təmir işləri aparıldıqdan sonra Pakistan dövlət rəsmilərinin
təşəbbüsü və qərarı ilə məktəbə Mehriban Əliyevanın adı
verilmişdir.
Jurnalist, 2012-2015-ci illərdə də Azərbaycanın birinci xanımının
təşəbbüsü və dəstəyilə Pakistanın bütün bölgələrində səhiyyə,
təhsil və humanitar sahələrdə bir sıra layihələrin icra edildiyini
qeyd etmişdir. O bildirmişdir ki, Edhi Home kimsəsizlər evlərində,
Peşavər Akbar Care serebral iflic institutunda, Lakki Marvat uşaq
və qadın hospitalında hepatit B virusuna qarşı peyvəndləşdirmələr,
müayinələr, açıq ürəkdə əməliyyatlar aparılmış, Saif Fonduna maddi
yardımlar edilmişdir. Eyni zamanda, Həmzə xeyriyyə fonduna xüsusi
qanköçürmə laboratoriyası ilə təchiz olunmuş təcili tibbi yardım
avtomobili və minlərlə qan köçürmə paketi hədiyyə edilmiş, Xayber
Paxtunkva Göz klinikasının yeni blokunun və gözləmə otaqlarının,
həmçinin, İslamabad şəhəri Talasemiya mərkəzinin tikintisinə
maliyyə və texniki yardımlar göstərmişdir.
Məqalədə, Mehriban Əliyevanın təşəbbüsü və dəstəyi ilə 2012-2015-cü
illərdə Ramazan ayında Pakistanın bütün əyalətlərində kimsəsiz
uşaqlar və ahıllar üçün iftar süfrələrinin təşkil edildiyi,
həmçinin Lakki Marvat bölgəsində və zəlzələdən zərər çəkmiş
Bəlucistanda, Lahor, İslamabad, Ravalpindi və Fayzalabad
şəhərlərində Qurban bayramı münasibətilə yüzlərlə iribuynuzlu
qurbanlıqlar kəsilərək əhalinin kasıb təbəqələrinə paylanıldığı
bildirilmişdir. Vurğulanmışdır ki, 2014-cü ildə Mehriban Əliyevanın
təşəbbüsü və dəstəyi ilə Dera İsmail Xan bölgəsində “Heydər Əliyev
Su Təhcizatı”, 2015-ci ildə isə Qucarxanda "20 Yanvar Şəhidlər su
təhcizatı" layihələri həyata keçirilmişdir ki, bunun nəticəsində
ərazidə yaşayan on minlərlə insan içməli su ilə təmin
olunmuşdur.
Jurnalist, Mehriban Əliyevanın Pakistandakı fəaliyyətinin iki
qardaş ölkələr arasında münasibətlərin daha da güclənməsinə xidmət
etdiyini bildirmiş, Pakistan xalqı və dövləti bunu yüksək
qiymətləndirərək Pakistan Prezidenti cənab Məmnun Hüseynin
sərəncamı ilə Mehriban Əliyeva "Hilal-e-Pakistan" ordeni ilə təltif
olunmuşdur. Bundan əlavə Azərbaycanın birinci xanımı həmçinin,
2012-ci ildə "2012-ci ilin qadını - Humanizm Simvolu", 2013-cü ildə
isə "Şəhid Benazir Bhutto Qadın Mükəmməlliyi" mükafatları ilə
təltif edilmişdir.
Məqalənin sonunda qeyd olunmuşdur ki, eyni zamanda, Azərbaycanın
birinci xanımı Mehriban Əliyevan dünya mədəni irsinin qorunub
saxlanılması istiqamətində gördüyü işlərə görə Fransa, Serbiya,
Rusiya, Kanada, Polşa, Küveyt, Dünya Səhiyyə Təşkilatının orden və
medalları ilə təltif olunmuşdur.
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək