Nida.az
Qərb – Rusiya savaşında Bakı hansı yolu seçib? – Rasim Musabəyov
“Rusiyanın Avropa liderləri və ABŞ-la qarşıdurması bu ölkə ilə həmsərhəd olan Azərbaycan üçün aktualdır”.
Publika.az xəbər verir ki, bu barədə Milli
Məclisin üzvü, politoloq Rasim Musabəyov deyib.
Onun sözlərinə görə, Qərb liderləri Putinlə dialoqdan qaçırlar:
“Rusiya iqtisadiyyatı enmə xətti ilə davam edir. Rublun məzənnəsi
düşür və böhran hiss olunur. Qərb Krım və Donetskdə Moskvanın
addımlarına qarşı sanksiyaları artırmaqda davam edir. ABŞ və Avropa
Birliyinin sanksiyaları təkcə hazırkı dövrdə Rusiya iqtisadiyyatını
inkişafdan saxlamır, eyni zamanda onun gələcəyini də dumanlı edir.
Rəsmi təbliğatın əksinə olaraq, Kreml özünü narahat hiss edir.
Kreml Donetsklə bağlı vaxtaşırı təzyiq edir, hərbi əzələ nümayiş
etdirir və Vaşinqton və Brüsselə beynəlxalq problemlərin həllində
öz faydalılığı haqda işarə verir.
Belə ki, Rusiya İranın nüvə proqramı danışıqlarında konstruktiv mövqe nümayiş etdirdi, hazırda Suriya ilə bağlı siyasətində yumşalma haqda siqnallar var. Kremlin güzəştləri Qərblə münasibətləri normallaşdırmaq və sanksiyaların dayanmasına nail olmağa hesablanıb. Moskvada anlayırlar ki, Krımın Rusiyaya birləşdirilməsini heç kim tanımır. Buna görə də məsələni müəyyən müddətə açıq saxlamaq daha yaxşı olar. Bu, Ukraynada qan tökülməsinin qarşısını almaq və Donetskdəki vəziyyəti nizama salmaq üçün lazımdır. Görünür, Qərb post-sovet məkanında Rusiyanın xüsusi rolunu tanımır. Vaşinqton və Brüssel Moskva ilə yalnız davranış qaydaları haqda danışmağa hazırdır, təsir sahələri haqda deyil”.
R. Musabəyov əlavə edib ki, Kreml üçün ən xoşagəlməz hal Amerika və
Avropa liderlərinin Putinlə şəxsi dialoq aparmaqdan qaçmasıdır.
“Sergey Lavrovun Nyu-Yorkda BMT Baş Assambleyasında Putinlə
Obamanın görüşünün mümkünlüyü haqda açıqlaması da Ağ Ev tərəfindən
dərhal təkzib edildi. Hiss olunur ki, Brüssel və Vaşinqton
danışıqların yenilənməsi üçün Dmitri Medvedyevi fiqur kimi irəli
çəkir. Çünki onun imici Qərbdə Putinin imici qədər korlanmayıb.
Əgər əvvəllər Rusiya telekanalları Medvedyevi işıqlandırmaqda, onun
sərəncamlarını yayımlamaqda xəsislik edirdisə, bu gün onu tez-tez
ekranlarla çıxarır, prezident Putinlə yanaşı göstərirlər. Hələlik
Rusiyanın Qərblə münasibətləri normallaşdırması üçün etdiyi
manevrlərin nəticəsi haqda danışmaq çətindir”, - deyə politoloq
bildirib.
R. Musabəyov yaranmış geosiyasi vəziyyətin Azərbaycana təsirlərini
də şərh edib: “Rusiya ilə bağlı vəziyyətə bu ölkə ilə həmsərhəd
olan Azərbaycan laqeyd qala bilməz. Bu həm regional geosiyasətə,
həm də təhlükəsizlik məsələlərinə təsir edir. Buna görə də rəsmi
Bakının ehtiyatlı davranışı tamamilə praqmatik və doğru
yoldur”.
Asif Nərimanlı
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia