Nida.az
Əli Kərimlidən MTN və DİN-ə şikayət edildi – şantaj və ölüm həddinə çatdırma ittihamı
AXCP Etimad Qurultayının Hazırlıq üzrə Təşkilat Komitəsinin sədri Razi Nurullayev Əli Kərimlidən Milli Təhlükəsizlik Nazirliyinə və Daxili İşlər Nazirliyinə şikayət edib.
Publika.az xəbər verir ki, R. Nurullayev Əli
Kərimlinin AXCP Nərimanov rayon şöbəsinin sədr müavini Bəhruz
Tağızadəni şantaj edərək intihar həddinə çatdırıb: “Dünən AXCP-nin
Əli Kərimlinin rəhbərlik etdiyi qanadının Nərimanov şöbəsinin sədr
müavini Bəhruz Tağızadənin cebhe.info-da müsahibəsi yayıldı və o,
Əli Kərimlinin siyasətini sərt tənqid etdi. Üstündən bir neçə saat
keçəndən sonra Bəhruz Tağızadə “Facebook” səhifəsində
video-müraciət yayaraq “liderim Əli Kərimlidir” dedi. Həmçinin qeyd
etdi ki, guya dostları ilə məni “şantaj və ifşa” etmək üçün
razılaşdırılmış addım atıb.
Təbii ki, onun video-müraciətindəki çıxışı Bəhruz Tağızadənin çox ciddi şəkildə şantaj olunduğunu göstərir. Video və Bəhruz Tağızadənin ehtimal olunan şantaj vasitəsilə dedikləri ilə bağlı geniş məlumatı “Azadlıq” qəzeti dərc edib. Qeyd edim ki, hörmətli Bəhruz Tağızadənin yaydığı video-müraciətdən sonra onun bizim tərəfdarlarımızla “Facebook” yazışması var və skrin-şotlar saxlanılıb. O, bizi anlayışlı olmağa və onu başa düşməyə dəvət edir. İnsan demək istəyir ki, onu elə şantaj ediblər ki, o, ya bizdən imtina, ya da özünə qəsd etməlidir. Bizə şantajın bəzi məqamları aydındır.
Amma Bəhruz Tağızadənin şəxsiyyətini alçaltmamaq, onu qınaq və təhlükədən qorumaq, eyni zamanda ailəsi və övladları qarşısında başını dik tutub gəzmək şansını saxlamaq məqsədilə bildiklərimizi heç zaman ictimaiyyətə açıqlamayacağıq. Eyni zamanda, qoy Bəhruz bəy arxayın olsun ki, biz onun video, audio və sosial şəbəkə yazışmalarını, yazdığı SMS-ləri də mətbuatda verməyəcəyik. İnsan şəxsiyyətini alçaltmaq, onu təhqir etmək, şantaja məruz qoymaq və ailələri dağıtmaq bizlik deyil. Amma Bəhruz bəyi, eləcə də bundan sonra qurbana çevriləcək insanları Əli Kərimlidən, onun söyüş və “təhqir zavodu”nda beyinləri yuyularaq zombiləşdirilmiş adamlarından qorumaq üçün hökumətə müraciət etmək qərarına gəldik. Mən Azərbaycan Respublikasının Milli Təhlükəsizlik Nazirliyinə və Daxili İşlər Nazirliyinə, o cümlədən cənab nazirlər - Eldar Mahmudov və Ramil Usubova müraciət edirəm.
Bəhruz Tağızadənin şantaj olunması və az qala özünə qəsd vəziyyətinə gətirilməsi məsələsinin ciddi araşdırılmasını rica edirəm. Məsələ Azərbaycan vətəndaşının şantaj olunması, ailəsi və uşaqları ilə təhdid edilməsi, iradəsinə zidd video-müraciət yaymasındadır. Məsələnin çox həssas olduğunu nəzərə alaraq, adıçəkilən nazirlikləri dərhal fəaliyyətə keçməyə və Bəhruz Tağızadəni istintaq müddətində Əli Kərimlinin tərəfdarlarından təcrid etməyə çağırıram. Eyni zamanda, Bəhruz Tağızadənin son bir neçə gündə telefon danışıqlarının məhkəmənin qərarı ilə istintaqa təhvil verilməsini xahiş edirəm. Adıçəkilən şəxsin məlum hadisədən sonra mənimlə də telefon danışığı olub və onun da istintaqa təqdim edilməsini tələb edirəm. Bildirmək istəyirəm ki, Bəhruz Tağızadənin yazışmalarının surətlərini, özünün razılığı ilə çəkilmiş video və audio materiallarını, yazdığı SMS-ləri və digər materialları da istintaqa təqdim etməyə hazırıq”.
R. Nurullayev qeyd edib ki, hər gün sosial şəbəkə üzərindən yüz
dəfələrlə təhqir olunurlar.
“Bu təhqirləri və insan ləyaqətini alçaldan yazıları çox halda
saxta profillər vasitəsilə həyata keçirirlər. Biz onların da
surətlərini saxlayırıq və istintaq orqanlarından xahiş edirik ki,
təhqir yağdıran saxta profillərin arxasında dayanan şəxsləri də
ifşa etsinlər. Biz əlimizdə olan faktları istintaqa verməyə
hazırıq. Bir daha qeyd etmək istəyirəm ki, insan ləyaqəti və
şəxsiyyəti toxunulmaz olmalıdır. İnsan ləyaqətini alçaldanlara
qarşı ciddi cəza görülməsini tələb edirik. Ümidvar olduğumu
bildirmək istəyirəm ki, hansı düşərgəni təmsil edib-etməməsindən
asılı olmayaraq, müraciətimə ciddi yanaşacaqsınız. Baxışlarımız,
siyasi düşərgəmiz, yolumuz və əqidəmiz fərqli olsa da, bizi
birləşdirən dəyər var. Bu da Konstitusiyanın hər bir vətəndaşa vəd
etdiyi ədalət prinsipidir. Bunu əsas tutaraq, hərəkət edəcəyinizə
ümidvarıq”.
Asif
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir
-
Magazin110:05
Elza qəzəbləndi: "Küçə sözlərinə əl atırlar" - VİDEO
-
MDB09:36
Putin o gecə yuxuya getməyib - Səhərə qədər...