Nida.az
Əliyevlə Nazarbayevin Qarabağ sövdələşməsi: Sarkisyanın qorxusu gerçəkləşir
Dağlıq Qarabağ münaqişəsinin həlli istiqamətində
proseslərin irəliləməsi “ya sülh, ya da müharibə” tezisini yenidən
gündəmə gətirib. Son hadisələr və siyasi manevrlər müharibə
ehtimalını gücləndirir. Ermənistan tərəfinin artıq gizlədə
bilmədiyi qorxusu da diqqəti müharibə variantının üzərində
gətirir.
Publika.az xəbər verir ki, sentyabrın 11-də
Azərbaycan Prezidenti İlham Əliyevin Astanada keçirilən türkdilli
dövlətlərin toplantısında Qarabağın azad olunması haqda çıxışı,
həmçinin, Ermənistanın Zəngəzuru da işğal etdiyini bildirməsi
İrəvanı ciddi şəkildə təşvişə salıb. Xüsusilə Avrasiya İttifaqında
birgə təmsil olunduğu Qazaxıstan prezidenti Nursultan Nazarbayevin
İlham Əliyevin bu mövqeyini dəstəkləməsi Serj Sarkisyan rejiminin
narahatlığına səbəb olub.
Misal üçün, Ermənistanın xarici işlər nazirinin müavini Savarş
Koçaryan bu barədə qorxusunu dilə gətirib.
“Avrasiya İttifaqı təhlükəsizlik problemlərini həll etməyə malik
deyil. Hesab etmək olar ki, Kollektiv Təhlükəsizlik Müqaviləsi
Təşkilatını (KTMT) bu maraqlandırmır. Əks təqdirdə Nursultan
Nazarbayev Azərbaycan Prezidentinə Astana və İrəvanın eyni hərbi
blokun üzvü olduğunu və təhlükəsizlik məsələsində öhdəliklərini
xatırladardı. Lakin Nazarbayevin İlham Əliyevin nitqi haqda heç nə
demədi. Şübhə yoxdur ki, Azərbaycan müharibəyə başlayacağı
təqdirdə, Qazaxıstan onlara hərbi yardım göstərəcək”, - deyə
Ermənistan rəsmisi bildirib.
Sentyabrın 15-də Tacikistanda işə başlayan KTMT-nin sammitində Serj
Sarkisyanın Azərbaycanı atəşkəsi pozmaqda ittiham etməsi İrəvan
rejiminin qorxu içində olduğunu bir daha nümayiş etdirdi. Sammitdən
öncə - sentyabrın 8-də Ermənistan prezidenti Vladimir Putinin
hüzurunda da Azərbaycanı ittiham etmiş və məsələni KTMT-nin Düşənbə
sammitində qaldıracağını bildirmişdi.
Rusiyanın “Nezamisimaya qazeta” nəşri sammit haqda hazırladığı
məqalədə təmas xəttindəki gərginliyə toxunur və vəziyyətin ümidsiz
olduğuna diqqət çəkir: “Vəziyyət tamamilə mürəkkəbləşdi. Bunu
ATƏT-in Minsk qrupunun həmsədrləri də təsdiq edirlər. Yaxın
vaxtlara qədər ümidverici amillərdən biri BMT Baş Assambleyasının
Nyu-Yorkda keçiriləcək iclasında Azərbaycan və Ermənistan
prezidentlərinin görüşünün olacağına dair idi. Lakin bu baş tutmadı
və tərəflər yalnız XİN rəhbərləri səviyyəsində masaya
oturacaq”.
Bu arada Düşənbə sammitinin yekununda qərara alınıb ki, Rusiya
Müdafiə Nazirliyinin bazasında KTMT-nin Böhrana Reaksiya Mərkəzi
yaradılsın. Bununla yanaşı, sentyabrın 30-dan oktyabrın 4-nə kimi
Ermənistanda KTMT-nin “Sarsılmaz qardaşlıq-2015” kod adı altında
təlimlərin keçirilməsi üçün razılığa gəlinib. Təlim çərçivəsində
KTMT qüvvələrinin operativ və döyüş hazırlığının təkmilləşdirilməsi
nəzərdə tutulub.
Bu, faktiki olaraq Sarkisyanın istəklərinə uyğundur. Xüsusilə
Prezident İlham Əliyevin sərt bəyanatları və addımlarından təşvişə
düşən Ermənistan prezidenti bununla həm Bakıya “tək deyiləm”
mesajını verəcək, həm də öz xalqı qarşısında “güc nümayişi”
göstərəcək. İrəvan artan müharibə ehtimalına qarşı KTMT-ni qalxan
olaraq istifadə edir. Lakin burada diqqət çəkən bir neçə məqam
var.
1. Son günlər Bakı-Moskva təmaslarında Dağlıq
Qarabağ münaqişəsinin Azərbaycanın xeyrinə həll ediləcəyinə dair
informasiyalar yayılır. Xüsusilə Rusiya nəşrləri Rusiyanın yeni
planının olduğunu, bu plana əsasən Ermənistanın güzəştə məcbur
ediləcəyini yazırlar. Rusiya XİN rəhbəri Sergey Lavrovun Bakı
səfərində bu planın detalları müzakirə edilib. Daha sonra Moskvaya
çağırılan Sarkisyanın da önünə şərtlər qoyulub. ABŞ-ın nüfuzlu
“Stratfor” mərkəzi də Rusiyanın Qarabağı bir sıra şərtlər
müqabilində Azərbaycana qaytaracağını yazır. Beləliklə, Bakının son
manevrləri və dünyada yaranmış hazırki siyasi situasiya Rusiyanın
Ermənistanın arxasından çəkildiyinə dair ehtimalları artırır.
2. KTMT-nin müharibə olacağı təqdirdə Ermənistana
hansı formada dəstək verəcəyi sual altındadır. Çünki Bakı-Moskva
danışıqları fonunda Rusiyanın öz “NATO”-sunu Ermənistan üçün
hərəkətə keçirəcəyi şübhəli görünür. Digər tərəfdən, təşkilatda
Qazaxıstan faktoru diqqətdən qaçmamalıdır. Ermənistan Avrasiya
İttifaqına daxil olmaq istəyərkən Nazarbayevin İlham Əliyevin
istəyini nəzərə alaraq, Sarkisyanın qarşısına “Qarabağ şərtini”
qoyması faktı unudulmayıb. Görünür, Bakı-Astana münasibətləri təkcə
ikitərəfli münasibətlər bitmir, ortada türk faktoru və liderlərin
şəxsi münasibətləri də böyük rola malikdir. Ermənistan XİN
rəhbərinin müavini S. Koçaryanın “Azərbaycan müharibəyə başlayacağı
təqdirdə, Qazaxıstan onlara hərbi yardım göstərəcək” deyə təşvişli
sözləri də təsadüfi deyil. Bu baxımdan, Sarkisyanın “KTMT gedişi”
və özünə qalxan axtarışları gülünc görünür.
Bu kontekstdə Ermənistanın “Lragir” saytının iddiası diqqət
çəkir.
“KTMT-da sədrlik Ermənistana keçdi. Lakin güman ki, bu sədrlik
formal xarakter daşıyacaq və blokun hərəkətlərə heç bir təsir
etməyəcək. Blokun hərəkətləri ümumiyyətlə nisbi anlayışdır, çünki
bu yalnız kağız üzərində olan təşkilatdır. Sadəcə olaraq, Rusiya
bunu öz geosiyasi məqsədləri üçün saxlayır və Ermənistan nə vaxtsa
nəzarətdən çıxmaq istəsə, ona qarşı istifadə edəcək. Digər
tərəfdən, bu blok heç də İrəvanın düşündüyü kimi Ermənistanı
qorumayacaq. Əksinə, müharibə olacaqsa, ona arxadan zərbə
endirəcək”, - deyə saytın məqaləsində bildirilir.
Asif Nərimanlı
-
MDB23:12
Rusiya müdafiə nazirinin müavini SAXLANILDI
-
İdman22:48
Son çempion boşanır: uşaqlıqdan başlayan nağıl bitir
-
Dünya21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO
-
Sosial21:24
Böyük ümidlərlə getmişdilər: ilk şəhidimizin məzarı tapılmadı - FOTO
-
Nəqliyyat19:48
Azərbaycanda bu taksi şirkəti BAĞLANIR - FOTO
-
Sosial19:12
Azərbaycanda tikintidə GÖRÜNMƏMİŞ HADİSƏ - VİDEO
-
Sosial18:40
Xankəndidə dünyaya gələn ilk körpənin ailəsinə MÜJDƏ
-
Sosial17:54
Əli Əsədov qərar imzaladı