• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Azərbaycan bu ölkəyə yeni səfir təyin etdi

  • Nida.az
  • 19 Sentyabr 2015 11:51
  • 383 Baxış
Azərbaycan bu ölkəyə yeni səfir təyin etdi

Azərbaycan Respublikasının Trinidad və Tobaqo Respublikasındakı səfiri Elnur Sultanov sentyabrın 17-də etimadnaməsini bu ölkənin prezidenti Antoni Karmonaya təqdim edir.

Publika.az xəbər verir ki, mərasim zamanı səfir E.Sultanov Azərbaycan Respublikasının Prezidenti cənab İlham Əliyevin salamlarını A.Karmonaya çatdırıb. Səfir, həmçinin, Azərbaycan ilə Trinidad və Tobaqo əlaqələrinin inkişaf etdirilməsi üçün potensialın mövcud olduğunu və iki ölkə arasında energetika, mədəniyyət, təhsil və digər sahələrdə əməkdaşlıq üçün imkanların olduğunu diqqətə çatdırıb.

Prezident A.Karmona səfir E.Sultanova təşəkkür edərək səmimi salamlarının və ən xoş arzularının Azərbaycan Respublikasının Prezidenti cənab İlham Əliyevə çatdırılmasını xahiş edib. O həmçinin, ölkəsinin Azərbaycan ilə ikitərəfli əlaqələrin inkişaf etdirilməsində maraqlı olduğunu vurğulayıb.

Görüş zamanı Azərbaycan ilə Trinidad və Tobaqo arasında ikitərəfli əməkdaşlığın genişləndirilməsi istiqamətində ətraflı fikir mübadiləsi aparılıb.


E.Sultanov Trinidad və Tobaqo Respublikasının xarici işləri nazirliyinin rəsmiləri ilə bir sıra görüşlər keçirib. Görüşlər zamanı ikitərəfli münasibətlərin genişləndirilməsi perspektivləri ətrafında ətraflı müzakirələr aparılıb.

Xəbər lenti

DAHA ÇOX XƏBƏR