"Bir Qarabağ əlilinə də fərdi ev tikilməyib" - Qənirə Paşayeva

“I və II qrup əlilləri ali təhsil almalıdır. Onların təhsil haqları da dövlət hesabına ödənilməlidir”.

Publika.Az xəbər verir ki, bu barədə millət vəkili Qənirə Paşayevə Milli Məclisin bu gün keçirilən iclasında hökumətin hesabatına münasibət bildirərkən deyib. Millət vəkili bildirib ki, əlillərin reabilitasiya mərkəzi pis vəziyyətdədir: “Bu mərkəzlər yenidən qurulmalıdır. Bununla yanaşı, Qarabağ müharibəsi əlillərinin mənzil-məişət məsələsində müəyyən problemlər var. Dövlət proqramında da bu göstərilir. Amma mənim seçildiyim Tovuz rayonunda ötən il bir Qarabağ əlilinə də fərdi ev tikilməyib. Səbəb nədir? Xüsusilə kənd yerlərində yaşayan Qarabağ əlillərinə şərair yaradılmalıdır. İstəyirik ki, bu problem bu il həl olunsun”.

Q. Paşayevə qeyd edib ki, Hepatit C virusu ilə bağlı ciddi problemlər var: “Bu məsələnin qarşısını almaq üçün təcili tədbirlərin həyata keçirilməsinə ehtiyac var. Bunun qarşısını almaq üçün bu gün addımlar atmasaq, sonra ciddi problemlərlə üzləşə bilərik”.

Millət vəkili tibbi sığortaların olmaması probleminə də toxunub.“Bu problemin də həll edilməsinə ciddi ehtiyac duyulur. Tibbi sğorta olmadığı üçün biz pasiyentin hüquqları ilə bağlı qanunu qəbul edə bilmirik. Düşünürəm ki, bu məsələ hökumətin diqqət mərkəzində olmalıdır”-deyə millət vəkili vurğulayıb.

Asif