Nida.az
“İqbal Ağazadə mənə ismarış göndərdi ki...” - Sərdar Cəlaloğlu sirr açdı
“Ümid Partiyası ilə artıq əməkdaşlıq yox, rəqabət
aparırıq”.
Bunu Publika.az-a açıqlamasında Azərbaycan
Demokrat Partiyasının (ADP) sədri Sərdar Cəlaloğlu deyib.
“Hüquqi olaraq Ümid deyilən partiya yoxdur”
Onun sözlərinə görə, ADP və Ümidin təmsil olunduğu “Qarabağ” bloku
da buraxılmalıdır: “Hesab edirəm ki, blok qarşısına qoyduğu
məqsədlərə nail olub. Hazırda onun taleyinin necə olacağı sual
altındadır. Çünki Ümid “125-lər” klubu ilə blok şəkilində seçkiyə
getmək qərarına gəldi. Ona görə də hüquqi olaraq Ümid deyilən
partiya yoxdur. Çünki qanuna görə seçkilər ərəfəsində hansı partiya
blokda iştirak edirsə, onun ayrılıqda fəaliyyət göstərməsi
qadağandır. Ümid Partiyası “125-lər” deyilən bir blokla seçkiyə
getdiyinə görə onun ADP ilə və ya təklikdə siyasi partiya kimi
fəaliyyət göstərməsi qanuna ziddir. Bir sözlə, Ümid Partiyası seçki
qurtarana qədər yoxdur. Seçkidən sonra yəqin blokun taleyinə
baxacaqlar”.
“Ümidlə əməkdaşlıq yox, rəqabət müstəvisinə
keçmişik”
ADP sədri bildirib ki, bir çox dairələrdə Ümid onların
namizədlərinə alternativlər verdi: “Şəxsən mən 21-ci dairədən
namizədliyimi vermək istəyirdim, Ümid alternativ göstərdi, İqbal
Ağazadə mənə ismarış göndərdi ki, namizədliyimi həmin dairədən
verməyim. Sonra 9-cu dairəni seçdim. Bu onu göstərirdi ki, biz
əməkdaşlıq yox, rəqabət müstəvisinə keçmişik. Belə olan halda necə
bir-birimizə dəstək verə bilərdik. Biz də sonda qərara gəldik ki,
partiya olaraq seçkiyə getməyək”.
“Partiyada kimsə öz iradəsini sərbəst ifadə edə
bilmirsə...”
S. Cəlaloğlu AXCP-nin qurultayında alternativsiz sədr seçkisinə də
münasibət bildirib. Qeyd edib ki, özünü Azərbaycanın yeganə
müxalifəti sayan partiyada kimsə öz iradəsini sərbəst ifadə edə
bilmirsə, bu demokratiyanın yoxluğu deməkdir: “AXCP-nin qurultayına
da bu qədər önəm verilməsi intriqadan başqa bir şey deyil. AXCP elə
bir mühüm gücə malik deyil ki, orada baş verən hadisələr Azərbaycan
cəmiyyətini maraqlandırsın. Həm də Əli Kərimlinin real alternativi
yox idi ki, gizli səsvermədə başqası seçilsin. Çünki AXCP Əli
Kərimlinin şəxsi imici üzərində formalaşmış partiyadır. O partiyada
ideologiyadan, əqidədən söhbət getmir. Əslində orada sədr seçkisinə
də ehtiyac yox idi. AXCP-də nə ideoloji yönüm var, nə başqa
fraksiya meydana çıxıb. Bunlar hamısı süni oyunbazlıqdır”.
“Əli Kərimlinin kimisə öz tədbirinə dəvət etməyə üzü
yoxdur”
ADP sədri siyasi partiyaların AXCP-nin qurultayında iştirak
etməməsinə görə Əli Kərimlini ittiham edib.
“Əli Kərimli elə bir siyasət aparıb ki, Azərbaycanda heç bir
müxalif partiya sədri ilə normal insani münasibəti yoxdur. Onlara
ən yaxın olan, zaman-zaman bir blokda fəaliyyət göstərdikləri
Müsavat Partiyası ilə müttəfiq olduqları vaxtda belə
düşmənçiliklərini davam etdiriblər. Bu gün Əli Kərimlinin kimisə öz
tədbirinə dəvət etməyə üzü yoxdur. O, öz apardığı siyasətin
nəticəsi olaraq təklikdə qalıb”, - deyə partiya sədri diqqətə
çatdırıb.
Asif Nərimanlı
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi