Nida.az
Tomas de Vall: “Qarabağda ciddi toqquşmalar riski yüksəlir”
“Keçmiş Sovet İttifaqının ən qədim və təhlükəli Dağlıq Qarabağ münaqişəsi yenidən qızışmağa başlayır. Ermənistan və Azərbaycan 1994-cü ildə atəşkəs elan etsə də, ciddi gərginlik səngiməyib. Əvvəllər yalnız snayperlərdən atəş açılırdırsa, hazırda ağır artilleriya atəşləri də təmas xəttindəki sakitliyi pozur. Raketlər yağış kimi yağmaqdadır”.
Publika.az xəbər verir ki, bu barədə “Karnegi”
fondunun Cənubi Qafqaz üzrə eksperti, britaniyalı jurnalist Tomas
de Vall “Politico.eu” nəşri üçün qələmə aldığı məqaləsində
yazır.
Onun sözlərinə görə, hələlik 90-cı illərin əvvəlindəki şiddətli
müharibənin qayıtmasından danışmaq tezdir: “Lakin Bakıda və
İrəvanda liderlər müharibə hazırlıqlarını axsatmırlar. Bu
münaqişədə “Rusiyanın əli”nin olduğu deyilir. Lakin Suriyada,
Ukraynada olduğu kimi, Rusiya burada da tamamilə məsul deyil”.
“Qarabağ münaqişəsi 1994-cü ildən bu yana heç vaxt
dondurulmuş olmayıb”
T. Vall qeyd edir ki, Dağlıq Qarabağ münaqişəsi 1994-cü ildən bu
yana heç vaxt dondurulmuş olmayıb: “Vaxtilə Rusiya regionda birbaşa
idarəçi idi. SSRİ dağılan kimi iki xalq müharibəyə girdi. 1994-cü
ildə 20 mindən artıq adam həyatını itirdi, bir milyondan çox insan
qaçqına çevrildi. O vaxtdan bu münaqişə Azərbaycan və Ermənistanın
inkişafını ləngidir. Ermənistan hökuməti bu münaqişədən siyasi
varlığının uzatmaq üçün istifadə edir. Bu ilin 26 sentyabr
tarixində prezident Serj Sarkisyan Dağlıq Qarabağı Ermənistanın
ayrılmaq hissəsi elan etməklə öz siyasi ritorikasını daha da
kəskinləşdirdi”.
“Moskva sülh yaradan qismində regionda öz təsir imkanlarını
saxlayır”
Ekspert yazır ki, Rusiya təhlükəli vəziyyətə nəzarət etməyə cəhd
edir, lakin ipləri tamamilə dartmır. Onun sözlərinə görə, Moskva
xüsusilə sülh yaradan qismində regionda öz təsir imkanlarını
saxlayır: “Sonuncu dəfə Rusiyanın nəzərəçarpacaq təşəbbüsü 2011-ci
ildə Dmitri Medvedyev tərəfindən edildi. Lakin o, Ermənistan və
Azərbaycan üzərində taktiki üstünlüyü saxlamaq və Cənubi Qafqazda
dayaq nöqtəsini qorumaq üçün münaqişədən periodik olaraq istifadə
etdi. Daha sonra Rusiya Ermənistanla ittifaqını uzun müddətli
olaraq möhkəmləndirdi. Gümrü hərbi bazasının ruslar tərəfindən
istifadəsi 2044-cü ilə qədər uzadıldı, İrəvan Avrasiya İttifaqına
dəvət olundu. Eyni zamanda, Azərbaycana ağır silahlar satdı”.
Ekspert ATƏT-in Minsk qrupunda Rusiya ilə yanaşı Fransa və Amerika
Birləşmiş Ştatlarının da olduğuna diqqət çəkir: “Ukrayna üzərində
Qərb-Rusiya qarşıdurması Dağlıq Qarabağ münaqişəsində sülh
danışıqlarını zəiflədib”.
“Qarabağda ciddi toqquşmalar riski yüksəlir”
T. Vall vurğulayır ki, Azərbaycan heç vaxt tamamilə Rusiyanın
müttəfiqi olmayacaq: “Ermənistan isə Belarus və Qazaxıstan kimi
Rusiyanın formal müttəfiqi olaraq qalır. Necə ki, Gürcüstan NATO və
Avropa Birliyinə doğru olaraq addımlayır, yaxşı münasibətlər qurmaq
üçün hər imkanı dəyərləndirir, Ermənistan da Rusiyaya doğru elə
gedir. Burada vacib nöqtə Moskvanın heç bir ölkədə qərar verə
bilmir, xüsusilə Qarabağ kimi problemlə bağlı. Sadəcə olaraq, hər
iki ölkəyə müxtəlif formada dəstək göstərir. Rusiya 1994-cü ildən
bu yana sülh vasitəçiliyi etməklə sabitliyi pozur”.
Ekspert Qarabağda müharibə ehtimallarının mövcudluğunu istisna
etmir. Qeyd edir ki, ciddi toqquşmalar riski yüksəlir.
Asif Nərimanlı
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir
-
Magazin110:05
Elza qəzəbləndi: "Küçə sözlərinə əl atırlar" - VİDEO
-
MDB09:36
Putin o gecə yuxuya getməyib - Səhərə qədər...