Nida.az
MSK-dan Müsavata rədd cavabı: Seçki davam edir
Mərkəzi Seçki Komissiyasının (MSK) iclasında Müsavat Partiyasının noyabrın 1-nə təyin edilən parlament seçkilərində iştirakdan imtinası ilə bağlı MSK-ya etdiyi müraciətə baxılıb.
“Report”un məlumatına görə, MSK sədrinin müavini Natiq Məmmədov deyib ki, Müsavat Partiyasının səlahiyyətli nümayəndəsi Gülağa Aslanlı partiyanın noyabrın 1-də keçiriləcək seçkilərdə iştirak etməkdən imtina etməsi ilə bağlı MSK-ya müraciət edib. Onlar müraciətlərində seçkilərin 4 ay sonraya təxirə salınmasını istəyiblər.
N.Məmmədov bildirib ki, seçki qanunvericiliyində indiki halda seçkilərin təxirə salınması nəzərdə tutulmayıb: “Yəni, seçkilərdə alternativlik olmazsa, bu baş verə bilər. Seçkilərdə imtina ilə bağlı isə səsvermə gününə 10 gün qalmış müraciət olunmalıdır. Müsavat Partiyasının isə addımları qanunvericiliyə ziddir. Səsvermə gününə 10 gün qalmış seçki bülletenləri çap olunur, bu müddətdən sonra isə namizədliyin geri götürülməsi seçiciləri çaşdıra bilər”.
MSK sədrinin müavini bildirib ki, burada seçkilərə aid məsələlər çox azdır: “Ona görə müraciət təmin edilə bilməz. Burada heç bir hüquqi əsas yoxdur. Bundan bir çıxış yolu tapılmalıdır”.
MSK sədri Məzahir Pənahov deyib ki, bu cür sənədin indi qəbul olunması mümkün deyil: “Bu, seçiciləri çaşdıra bilər. Bizim bunu təmin etməməyimiz təbiidir. Namizədləri partiya irəli sürüb, geri çəkmək də partiyanın səlahiyyətindədir. Lakin qanunda, Seçki Məcəlləsində namizədliyin indi geri götürülməsi üçün prosedur yoxdur. Əgər öncədən iştirak etmək istəmirdilərsə, müddət bitməmiş dairə seçki komissiyalarına müraciət etməli idilər. Etməyiblərsə, deməli, məqsəd başqadır. İndiki halda DSK-lar müraciəti qəbul edə bilməz”.
MSK sədrinin müavini Natiq Məmmədov deyib ki, onlar bununla bağlı ictimaiyyəti məlumatlandırmalıdırlar: “Bilməlidirlər ki, bunun hüquqi proseduru yoxdur”.
MSK Müsavat Partiyasının müraciətini təmin etməyib.
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO