Nida.az

Hər şey açıq şəkildə baş verir - Xarici jurnalistlərin seçki təəssüratları

1 Noyabr 2015 18:20

Seçkiləri işıqlandırmaq üçün ölkəmizə gələn dünya KİV-lərinin nümayəndələri təəssüratlarını Secki-2015.az saytı ilə bölüşüb.

Mallory Moss Katz, jurnalist (ABŞ): “Seçicilərin təkrar səsvermədə iştirak edib-etməməsini dəqiqləşdirmək məqsədilə ultrabənövşəyi mürəkkəbdən istifadə edilməsi çox yaxşı üsuldur. ABŞ-da bu proses tam başqadır. Müsbət fikirdəyəm, məndə çox yaxşı təəssürat yarandı”.

Vladimir Zernts, jurnalist (Rusiya): “Mən ilk olaraq şəffaflığı qeyd etməliyəm. Seçkilərə münasibət çox ciddidir. Təşkilatçılıq yüksək səviyyədədir. Barmağın yoxlanması müsbət təcrübədir”.

Bernd Rainer Şubert, jurnalist (Böyük Britaniya): “Seçki prosesi çox xoşuma gəldi. Hər şey açıq şəkildə baş verir. Ən çox da seçicilərin yoxlanılması prosesini bəyəndim. Heç kim ikinci dəfə bülletendən istifadə edə bilməz”.