Nida.az
Rəsmi etiraf: kürdlər kütləvi şəkildə Azərbaycana köçürülür
Qərbi Azərbaycan vilayətinin (ostan) mərkəzi olan
Urmiya şəhərinə kürdlərin köçürülməsi prosesi sürətlənib. Publika.Azxəbər verir ki, Qərbi
Azərbaycanın valisinin siyasi məsələlər üzrə müavini İsa Qənbəri bu
açıqlama ilə çıxış edib. O, müəyyən siyasi məsələlərlə bağlı
kürdlərin Urmiyaya məqsədli köçünə işarə etmədən bu məsələyə laqeyd
qalmağın ciddi problemlər yaradacağını bildirib.
GünAztv televiziyasının araşdırmalarında aydın olub
ki, terrorçu qruplaşmaların göstərişi ilə kürdlər planlı şəkildə
Azərbaycanın qərbinə köçürülür. İran rejimi isə onlarla əlbir
olaraq bu qanunsuz və təhlükəli məsələdə kürdlərə şərait yardır.
Son dövrlərdə Həsən Ruhaninin prezident seçilməsi ilə kürdlər daha
da ürəklənib və artıq Azərbaycanın həmin ərazilərinin Kürdüstana
qatılmasını tələb edirlər.
Tehran universitetinin tanınmış müəllimi (ustad),
Haşimi Rəfsəncaniyə yaxın düşərgənin nəzəriyyəçilərindən olan Sadiq
Zibakəlamin “Khabar online” saytında yayımlanan məqaləsində isə
bildirilir ki, Pəhləvi rejimi vaxtilə 300000 iraqlı kürdü
İranda-xüsusi ilə Qərbi Azərbaycan vilayətində
məskunlaşdırıb.
“Hicri şəmsi təqvimi ilə 1354-cü ildə Şah rejimi ilə
Səddam Hüseyn arasında Əlcəzair kimi tanınan razılaşma müqaviləsi
imzalandı və Tehranla Bağdad arasında atəşkəs elan olundu. Şah
rejimi Səddama qarşı iraqlı kürdlərə dəstək verməyi dayandırdı və
Səddam da Şaha qarşı fəaliyyət göstərən qüvvələri dəstəkləməyə son
verdi. Təxminən 300000 iraqlı kürd 1, 2 il ərzində İrana
sığındılar. Şah rejimi onları Kərəc bölgəsi və digər məntəqələrdə
yerləşdirdi. Bunlar sonralar məktəbə, universitetə getdilər,
evləndilər və iranlı oldular”-deyə məqalədə bildirilir.
Bu arada kürd terrorizmi ilə mübarizədə qəhrəman kimi
tanınan Urmiya şəhərinin İmam cüməsi Höccətul İslam Həsəni
vəzifəsindən uzaqlaşdırılıb. Ölkə İmam Cümələri işləri üzrə şuranın
rəisi deyib ki, Qərbi Azərbaycanda Vəliye Fəqihin nümayəndəsi və
Urmiyanın yeni İmam cüməsi bu həftə təqdim olunacaq: “Həftə içində
Vəliye Fəqihin Qərbi Azərbaycan üzrə nümayəndəsi və Urmiyanin İmam
Cüməsi dəyişəcək. Biz bir çox şəxs barəsində düşündük, ancaq bu
nəticəyə çatdıq ki, Seyid Mehdi Qureyşi bu posta təyin edilsin.
Lakin hələlik onun hökmü təsdiqlənməyib”.
Seyidrza Təqəvi bu dəyişikliyi Höccətu-l- İslam Həsəninin xəstəliyi ilə əlaqələndirib və ona fəaliyyətinə görə təşəkkür də edib.
Qeyd edək ki, bölgənin kürdləşdirilmə prosesinə qarşı çıxan, əhali
arasında qəhrəman kimi tanınan Həsəni Qərbi Azərbaycanda türklər
üçün mənəvi dayaq hesab olunur. Onun bu postdan getməsi kürd
terrorçuları üçün yeni imkanlar açacağı, eləcə də kürdləşdirmə
siyasətinin daha açıq şəkildə aparılacağı ehtimal olunur.
Asif
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye