Nida.az
XİN: Azərbaycan BMT-nin insan hüquqlarının qorunmasında fəaliyyətini dəstəkləyir
Mayın 4-də Cenevrə şəhərində Azərbaycan Respublikası xarici işlər nazirinin müavini Xələf Xələfov və BMT-nin İnsan Hüquqları üzrə Ali Komissarı Zeid Ra'ad Al Hussein arasında görüş keçirilib.
Azərbaycan XİN-dən Publika.az verilən məlumata görə, görüşdə Azərbaycan Respublikası və BMT-nin İnsan Hüquqları üzrə Ali Komissarlığı (BMTİHAK) arasındakı münasibətlərin mövcud vəziyyəti və gələcək inkişaf perspektivləri ətrafında fikir mübadiləsi aparıldı, tərəflər arasında mövcud uğurlu əməkdaşlığın gələcəkdə daha da gücləndiriləcəyinə inam ifadə olundu.
Görüş zamanı X.Xələfov BMTİHAK-ın bütün dünyada insan hüquqlarının təşviqi və qorunması sahəsində fəaliyyətinin Azərbaycan tərəfindən dəstəkləndiyini bildirdi və ölkəmizin BMT-nin insan hüquqları sisteminin bütün mexanizmləri ilə əməkdaşlığa böyük əhəmiyyət verdiyini ifadə etdi.
Nazir müavini, həmçinin Azərbaycanda insan hüquqlarının müdafiəsi və təşviqinin ölkə başçısının birbaşa qayğısı və nəzarəti altında həyata keçirildiyini nəzərə çatdırdı.
Ölkədə insan hüquqlarının bütünlüklə təmin olunmasında Ermənistan-Azərbaycan münaqişəsinin əngəl təşkil etdiyi, Ermənistanın hərbi təcavüzü nəticəsində Azərbaycan torpaqlarının 20 faizinin işğal olunduğu və 1 milyondan çox azərbaycanlının qaçqın və məcburi köçkün vəziyyətinə düşdüyünü diqqətə çatdıran X.Xələfov azərbaycanlı qaçqın və məcburi köçkünlərin ləyaqətli və təhlükəsiz şəkildə öz doğma torpaqlarına qayıtma hüququnun təmin olunması istiqamətində beynəlxalq səylərin artırılmasının zəruriliyini vurğuladı.
2016-cı ilin aprel ayının əvvəlindən başlayaraq Ermənistan silahlı qüvvələrinin işğal edilmiş ərazilərdəki mövqelərdən qoşunların təmas xətti boyunca mülki əhalinin sıx yaşadığı məntəqələri ağır artilleriya və iri çaplı silahlardan intensiv atəşə tutduğu, xeyli sayda azərbaycanlı mülki əhalinin öldürüldüyü və yaralandığı, çoxsaylı mülki bina, məktəb və digər sosial obyektlərin dağıdıldığı və əldə olunmuş atəşkəs razılaşmasının davamlı olaraq Ermənistan silahlı qüvvələri tərəfindən pozulduğu təəssüflə bildirildi.
Ali Komissar Zeid Ra'ad Al Hussein Azərbaycanın ümumilikdə BMT-nin insan hüquqları sistemi, o cümlədən BMTİHAK-la mövcud əməkdaşlığının səviyyəsindən məmnunluğunu ifadə edərək, Azərbaycan tərəfinə təşəkkür etdi.
Eyni zamanda, Ermənistan-Azərbaycan münaqişəsinin hazırkı vəziyyəti və ölkədəki qaçqın və məcburi köçkünlərlə bağlı verilmiş ətraflı məlumata görə minnətdarlığını bildirdi, habelə 2-5 aprel 2016-cı il tarixində qoşunların təmas xətti boyunca baş vermiş hadisələrə görə narahatlığını ifadə etdi.
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ
-
Nida Xəbər 07:50
Peter Siyartonun Azərbaycana rəsmi səfəri başladı
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!
-
İdman06:40
Bellinqem bu gözəllə münasibətə başladı - FOTOLAR
-
Ekopublika.az06:10
Bakıda taksi qiymətləri BAHALAŞDI - SƏBƏB