Nida.az
AMEA: Metsamorun tullantılarının Kür və Araz çaylarına axıdılması ehtimalı var
Metsamor AES-in nüvə tullantılarının Kür və Araz çaylarına axıdılması ehtimalı var.
Bunu Trend-ə Ekologiya və Təbii Sərvətlər Nazirliyi yanında
İctimai Şuranın üzvü, Azərbaycan Milli Elmlər Akademiyasının (AMEA)
müxbir üzvü, professor İslam Mustafayev bildirib.
Bu stansiyanın 4 ölkənin sərhədinin kəsişməsində yerləşdiyini
deyən İ.Mustafayev qeyd edib ki, Metsamor AES Azərbaycan və
Gürcüstan sərhədlərindən 120 km, İran sərhədindən 60 km, Türkiyə
sərhədindən isə 16 km aralıda yerləşir: "Orada yarana biləcək
təhlükə bu ölkələrin hər birinə təsir göstərəcək. Amma Azərbaycana
daha çox təsir göstərəcək. Çünki Ermənistan ərazisi bütövlükdə
Kür-Araz hövzəsinə aiddir. Orada atılan, axıdılan istənilən
tullantı bir necə müddətdən sonra bizim çaylarla axaraq Xəzərə
gəlir. Bu, daha çox təhlükəlidir. Bu səbəblərdən təhlükənin qarşısı
alınmalı və bu barədə daha geniş formada iş aparmaq üçün ictimai
hərakat formalaşdırılmalıdır".
Metsamor AES-in istifadə müddətinin artıq bitdiyini deyən
mütəxəssis qeyd edib ki, bu il ərzində MAQATE onun istismar
müddətinin artırılması məsələsinə baxmalıdır.
İ.Mustafayev hesab edir ki, buna görə də bu stansiyanın
fəaliyyətinin dayandırılması üçün ictimai rəy
yaradılmalıdır.
Ekspert qeyd edib ki, Azərbaycana qonşu və yaxın olan ölkələrdə
AES-lər tikilməkdədir: "Digər tərəfdən, həmin ərazilərdə fəaliyyəti
dayandırılan reaktorlar da var. Azərbaycan ərazisi tikilən və
sökülən reaktorların arasında yerləşir. Nüvə materialları
qacaqmalçılığı üçün real şərait yaranıb. İşğal olunmuş ərazilərdə
nüvə materialları qacaqmalçılığından istifadə etmək cəhdləri ola
bilər. Amma son 12-15 ildə Azərbaycanda bu kimi təhlükələrin
qarşısının alınması mqəsdilə müxtəlif layihələr həyata keçirilib,
gömrük işçiləri üçün xüsusi təlimlər aparılıb, xüsusi avadanlıqlar
alınaraq quraşdırılıb. Ölkədə hazırda bu məsələlərə xüsusi nəzarət
həyata keçirilir. Azərbaycanın bu nəzarəti aparmağa potensialı
çatır, amma ölkəmizin ərazisinin 20 faizi işğal altındadır. Bu da
təbii ki, müəyyən problemlər yaradır. Həmin ərazilərdən müxtəlif
məqsədlər üçün istifadə etmək imkanları ola bilər".
İ.Mustafayev deyib ki, MAQATE üzvü olan ölkələrdəki reaktorlara, onların tullantılarına ciddi nəzarət edilir: "Amma buna baxmayaraq, hər hansı mənfi halın baş verməməsi üçün Azərbaycan bütün mövcud imkanlardan istifadə etməli, bu imkanlarını daha da artırmalıdır".
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO