Nida.az
“El” sədrinin müavini Milli Şuradan gedəcək
“Mən Hacıbaba Əzimovun Milli Şuranın rəhbərliyinə keçməsinə qarşıyam. Onun kimi adamların rəhbərliyə gəlməməsi üçün də Milli Şurada qalıb mübarizə aparacam”.
Bu barədə Azəri – Talış İctimai Birliyinin sədri, "EL" Hərəkatının sədr müavini, Milli Şuranın üzvü Mehdibəy Səfərov Publika.Az –a açıqlamasında Milli Şuranın dünənki sessiyasında yaşanan gərginliyə münasibət bildirərkən deyib. O iddia edib ki, H. Əzimov etnik qarşıdurmanı qızışdırır, azsaylı etnoslara qarşı çıxır: “Biz həmişə Azərbaycanın bütövlüyü və güclənməsi uğrunda mübarizə aparırıq. Bu gün də belədir. Belə fikirlərsə bizim fəaliyyətimizə kölgə salır”.
M. Səfərov qeyd edib ki, 2013-cü ilin aprel-may aylarında Rüstəm İbrahimbəyov Azərbaycanda azad, demokratik və bərabərhüquqlu vətəndaş cəmiyyəti quruculuğu naminə dilindən, dinindən və milli mənsubiyyətindən asılı olmayaraq, ölkəmizin bütün təbəqələrini təmsil edən demokratik qüvvələrin Milli Şura formatında birləşməsi təşəbbüsünü irəli sürdü: “Mən də Azəri – Talış İctimai Birliyinin nümayəndəsi, eləcə də ölkəmizi təmsil edən azsaylı xalqların təmsilçisi kimi bu ideyanı bəyəndim, səmimiyyətlə həyata keçirəcəyinə inandım və MŞ üzvlüyünə razı oldum. Ədalət naminə qeyd etmək lazımdır ki, həqiqətən MŞ-da ölkəmizin bir çox ləyaqətli demokratik fikirli ictimai-siyasi xadimləri, vətəndaş cəmiyyətləri nümayəndələri təmsil olunurlar. Bunlardan ölkəmizin görkəmli ictimai-siyasi xadimləri və partiya rəhbərləri - Rüstəm İbrahimbəyov, Cəmil Həsənli, Eldar Namazov, Əli Kərimli, Mirmahmud Mirəlioğlu, Sülhəddin Əkbər, Eldəniz Quliyev kimi simalarla birgə ölkəmizin demoktratikləşməsi istiqamətində fəaliyyət göstərməyi şərəfli bir iş saydım və indinin özündə də bu fikrimdə qalıram!
Lakin, təəssüflər olsun ki, MŞ üzvlüyündə elə adamlar
da təmsil olunurlar ki, onlar ideyaca sadaladığım demokratik
dəyərlərdən və prinsiplərdən tamamilə uzaq əqidə sahibləridirlər.
Həmin adamlar açıq-aşkar şəkildə ölkəmizdə vətəndaşların
fundamental Konstitusion hüquqlarını, onların birləşmək və milli
özünüifadə haqlarını nəinki tanımır, əksinə bu dəyərləri təhqir,
təhdid edir və ciddi qarşıdurmalara aparan fəaliyyət
sərgiləyirlər”.
M. Səfərov hesab edir ki, Milli Şura ölkə ictimaiyyətinə vəd
verdiyi öz ilkin formatını və mübarizə əzmini qorumaq istiqamətində
reqressiv addımlar atmaq təhlükəsi ilə üzbəsurət qala bilər.
“16 yanvar 2014-cü il tarixində demokratik qüvvələrin Milli Şurasının sessiyası keçirildi. Bir sıra məsələlərlə yanaşı, MŞ-nın idarə olunması ilə əlaqədar Koordinasiya Şurasının yaradılması təklifi də sessiyanın gündəliyə salındı. Ən gözlənilməz və uğursuz hadisə isə KŞ-na təklif olunan siyahıda ölkəmizdə ATİB-nin də aktiv səyləri ilə formalaşmaqda olan milli münasibətlərə ciddi zərbələr vuran Hacıbaba Əzimov kimi bir adamın yer alması oldu.
Maraqlısı isə, həmin siyahının MŞ-nın sədri Cəmil
Həsənli tərəfindən irəli sürülməsi və ciddi-cəhdlə onu müdafiə
etməsi oldu. Bundan çıxış edərək demək olar ki, yuxarıda
sadaladığım demokratik dəyərlər naminə böyük inam bəslədiyim MŞ
avtoritarizmdən demokratiyaya keçidlə bağlı ölkə vətəndaşlarının
bütün təbəqələrini təmin edə bilən siyasi bufer rolunda öhdəsinə
götürdüyü vəzifələri lazımınca yerinə yetirə bilmir! Bütün bu
nöqsanları bir daha götür-qoy edərək bəyan edirəm ki, yaxın
zamanlarda ölkəmizdə vətəndaş hüquq və haqlarının demokratik
prinsiplərlə qorunması istiqamətində MŞ-nın fəaliyyətində pozitiv
dəyişiliklərə aparan ciddi işlər görülməsə bu, MŞ ilə bağlı
mövqeyimdə ciddi dəyişiliklərə aparan əsas səbəb olacaqdır!”-deyə o
qeyd edib.
Asif
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi