Nida.az
Azərbaycanda da siyasətçilərin telefon danışıqları ifşa olunacaq - Təhlükə
Beynəlxalq münasibətlərdə qeyri-leqal yolla ölkələrə təsir etmə,
verilən qərarların dəyişdirilməsi kimi hallar ortadadır. Buna qədər
belə proses daha çox xəfiyyələrlə həyata keçirilirdisə, indi
bununla yanaşı, texnologiyanın inkişafı vəziyyəti xeyli
“yaxşılaşdırıb”. Türkiyədə seçki qabağı telefon dinləmələri və
nəticədə yaşananlar bunun aktuallığını sübut etdi. Ondan öncə
ABŞ-ın 122 ölkə başçısının telefon danışıqlarının dinləməsi ilə
bağlı qalmaqal da unudulmamalıdır. Yəni bu var və kifayət qədər
təhlükəlidir. Azərbaycanın bundan sığortalandığını demək doğru
olmazdı.
Milli Məclisdə “smartfon” telefon qadağası dövlətin təpəsində bu
təhlükənin hiss olunduğunu deməyə əsas verir. Təbii ki, bizdə
kütləvi telefon dinləmələri olmayıb, olubsa da, ictimaiyyətin
bundan xəbəri yoxdur. Amma Türkiyə hadisələri göstərdi ki, təhlükə
qulağımızın dibindədir və buna hazır olmalıyıq, xüsusilə seçki
öncələri.
“Növbəti seçkilərdə Azərbaycanda da telefon dinləmələri ola
bilər”
Siyasi texnologiyalar üzrə ekspert, AVCİYA-nın vitse-prezidenti Vəli Əlibəyli Publika.Az -a açıqlamasında bildirib ki, Türkiyədə olduğu kimi Azərbaycanda da dövlət rəsmilərinin telefon danışığının dinlənilməsi mümkündür: “Ola bilsin ki, hazırda da bu proseslər aparılır. Lakin inanıram ki, xüsusi xidmət orqanlarımız bunun qarşısı ala bilirlər”.
Ekspert bildirib ki, bir sıra ölkələrin, beynəlxalq qrup dairələrinin xüsusi xəfiyyələri var və onlar öz maraqları daxilində başqa ölkələrdə fəaliyyət göstərirlər: “O şəbəkələr öz sıralarına yerli insanları, müxtəlif vəzifələrdə təmsil olunanları müxtəlif şantaj, pul və s. Yollarla öz sıralarına cəlb edirlər. Bu fəaliyyət ən vacib hissəsi də telefon danışıqlarının dinlənilməsidir. Azərbaycan böyük dövlətlər müqayisədə kiçik bir ölkədir. Baxmayaraq ki, bizim də xüsusi xidmət orqanlarımız yaxşı fəaliyyət göstərir, amma istisna etmək olmaz ki, Azərbaycanla bağlı da hansısa danışıqlar olub”.
V. Əlibəyli hesab edir ki, bunun qarşısı almaq üçün xüsusi
xidmət fəaliyyəti güclənməli, informasiya olan yerlərdə insanlar
mütəmadi olaraq sertifikatlaşdırılmalıdır: “Mühüm posta vəzifəyə
götürülən insan yoxlanmalıdır. Xüsusilə seçki öncələri bu proses
aktivləşməlidir. Çünki Türkiyədən sonra Azərbaycanda da növbəti
seçkilərdə telefon dinləmələri ola bilər. Bunun olmayacağına heç
kim zəmanət verə bilməz”.
“Dövlət məmurlarının telefon danışıqlarının dinləməyə
cəhdlər olub”
“Multimedia” İnformasiya Sistemləri Texnologiyaları Mərkəzinin
direktoru, Azərbaycan İnternet Forumunun prezidenti Osman Gündüz
isə Publika.Az-a bu barədə deyib ki, telefon dinləmələrinə aid
texnologiyanı internet üzərindən də axtarıb tapmaq mümkündür:
“Axtarış sistemində bunun üçün hansı texnologiyanın istifadə
edildiyi, hansı ləvazimatların lazım olduğunu görə bilərsiniz. Yəni
təhlükə kifayət qədər var. Bunun qarşısı almaq üçün ciddi
qabaqlayıcı tədbirlər görmək lazımdır”.
Ekspert bildirib ki, danışıqların forması da müxtəlifdir: “Biri
var, məmurlar arasında, yaxud məmurla vətəndaş arasında danışıqlar,
biri də var ki, dövlət qurumları arasında danışıqlar. Bunlar ayrıca
nəzərdən keçirilir. Bu informasiya münasibətlərinin qorunması
istiqamətində Azərbaycan müəyyən addımlar atır. Biri dövlət
sektorunda, biri də qeyri-dövlət sektorunda informasiya
təhlükəsizliyinin qorunması sahəsində dövlət başçısının tapşırığı
ilə iki dövlət agentliyi yaradılıb. Bununla yanaşı, MTN-də dövlət
sirlərinin qorunması ilə bağlı işlər görülür. Amma baş verən bir
sıra hallara göstərdi ki, Azərbaycan bu cür hadisələrdən
sığortalanmayıb. Belə ki, dövlət məmurlarının telefon
danışıqlarının dinləməyə cəhdlər olub, həm də dövlət
strukturlarının informasiya sisteminə müdaxilə olunub. Dövlətə aid
sənədlər internet resurslarında yer alıb. Deməli, bu qorunmur ki,
belə hallar baş verir. Telefon danışıqlarının dinlənilməsinə cəhdin
qarşısı isə xüsusi xidmət orqanları tərəfindən alınıb.
Qeyd edək ki, ötən il “LulzSec” adlı haker qruplaşması
Rabitə və İnformasiya Texnologiyaları Nazirliyinə (İndi Rabitə və
Yüksək Texnologiyalar Nazirliyi-red) aid sənədləri nazirliyin rəsmi
səhifəsini dağıdaraq əldə etmişdilər və par-anoia.net saytında
yayımlamışdılar.
Asif Nərimanlı
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI