• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Siyavuş Novruzov İsa Qəmbəri istefaya çağırdı

  • Nida.az
  • 10 Aprel 2014 11:01
  • 868 Baxış
Siyavuş Novruzov İsa Qəmbəri istefaya çağırdı

“Kim siyasəti peşə seçib, lazım olanda getməyi də bacarır, amma kim ki siyasətə gəlir mənbəyi kimi baxır, onlara getmək çətin olur”.

Bu barədə Yeni Azərbaycan Partiyasının (YAP) icra katibinin müavini, millət vəkili Siyavuş Novruzov Publika.Az -a açıqlamasında deyib. Onun sözlərinə görə, Azərbaycanda belə təcrübələr olub: “Vaxtilə Etibar Məmmədov partiya sədrliyindən getdi. Partiya rəhbərlərinin hər biri belə addımı ata bilər.

Lakin bu onların düşüncəsindən irəli gələn məsələdir. Türkiyədə, ABŞ-da və dünyanın bir çox yerlərində şahidi olmuşuq ki, hansısa siyasətçi seçkidə məğlub olursa, növbəti seçkilərdə namizədliyini vermir, onu başqası əvəz edir.

Azərbaycanda isə bu problemli məsələyə çevrilib. Misal üçün, Müsavat Partiyasının rəhbəri ömrü boyu seçkiləri uduzub, lakin geri çəkilmək fikri yoxdur”.

S. Novruzov qeyd edib ki, Müsavat Partiyası 1993-cü ildə kommunistlərin dövründə seçkilərdə qalib gəlib: “O da Mütəllibovun siyahısı ilə. Lakin ondan sonra qatıldıqları bütün seçkilərdə məğlub olublar. Müsavat başqanının özü də uduzub, partiyası da.

Ona görə də hesab edirəm ki, getməyin vaxtıdır. Kənara çəkilib yerini digər insanlara verməlidir. Eləcə də digərləri bu addımı atmalıdır. Amma onlar partiyaya obyekt kimi baxırlar və öz iş yerləri hesab edirlər”.

Asif

Xəbər lenti

DAHA ÇOX XƏBƏR