Nida.az

Kremldən Azərbaycana qarşı mühüm kadr dəyişikliyi

12 Aprel 2014 12:50

Rusiyanın Baş naziri Dmirti Medvedev Rusiya-Azərbaycan hökumətlərarası komissiyasına yeni həmsədr təyin edib.

Publika.Az xəbər verir ki, bu vəzifədə Aleksandr Xloponi baş nazirin müavini, Rusiyanın NATO-dakı keçmiş səlahiyyətli nümayəndəsi Dmitri Roqozin təyin edilib. Kremlin bu kadr dəyişikliyi Dmitri Roqozinin şəxsiyyətində diqqət çəkir.

Belə ki, bu şəxs anti-Qərb mövqeyi ilə seçilir, həmçinin o, SSRİ-nin bərpa olunmasının qatı tərəfdarıdır. “Şərq-Qərb” Araşdırmalar Mərkəzinin rəhbəri Ərəstun Oruclu Publika.Az-a Kremlin kadr dəyişikliyini belə şərh edib: “Roqozin sərt siyasətçidir, öz kəskin bəyanatları ilə tanınır, Rusiyanın hərbi-siyasi baxımdan möhkəmlənməsinə və hökmranlığının bərpasına tərəfdardır.

Harada “stola yumruq vurmaq” lazımdır, ora onu göndərirlər”. Politoloq hesab edir ki, Roqozin özünəməxsus tərzdə açıq hədələrlə Kremlin fikirlərini Bakıya çatdıracaq.

Asif