Nida.az
İsrail eksperti: “Serj Sarkisyan məhkəmədə cavab verməlidir”
Vilnüsdə “Postsovet məkanında dondurulmuş münaqişələr: onların siyasi mənası və mümkün həll üsulları” mövzusunda beynəlxalq konfrans keçirlib.
Publika.Az xəbər verir ki, konfransda əsas
diqqət postsovet məkanında, xüsusən dondurulmuş münaqişələr
zonasında geosiyasi vəziyyətin müzakirəsinə yönəldilib. Konfransın
işində Azərbaycan Prezidenti yanında Qeyri-Hökumət Təşkilatlarına
(QHT) Dövlət Dəstəyi Şurasının sədri Azay Quliyev başda olmaqla
Azərbaycan nümayəndə heyəti, Azərbaycanın Litvadakı səfiri Həsən
Məmmədzadə, Moldova, Ukrayna və Gürcüstanın Litvadakı səfirləri,
siyasi analitik, İsrail teleradiosunun şərhçisi, “Azİz”
İsrail-Azərbaycan Beynəlxalq Assosiasiyasının idarə heyətinin üzvü,
“Xocalıya ədalət” beynəlxalq kampaniyasının İsraildə rəsmi
koordinatoru Arye Qut, beynəlxalq ekspertlər, KİV nümayəndələri
iştirak ediblər.
“Ermənistanı aclıqdan erməni diasporu xilas
edir”
A. Qut konfransda çıxışı zamanı qeyd edib ki, Ermənistanın təcavüzü nəticəsində Azərbaycan ərazilərinin 20 fazi işğal olunub, bir milyondan artıq azərbaycanlı qaçqın və məcburi köçkün düşüb: “Bu gün Ermənistan tam olaraq Rusiyanın siyasi və iqtisadi ambisiyalarından asılıdır. Ermənistanı aclıqdan erməni diasporu xilas edir. Şəxsi pul köçürmələri ildə iki milyard dollara çatır, üstəgəl ABŞ Konqresinin maliyyə yardmı”.
A. Qut daha sonra konfrans iştirakçılarına Xocalı soyqırımına
dair geniş və ətraflı prezentasiya təqdim edib. Qutun sözlərinə
görə, bu faciənin amansız və dəhşətli səhnələri Azərbaycanın
qəlbində yara kimi əbədi qalacaqdır. “Xocalı faciəsi bir tərəfdən
Xocalının hər bir sakininin öz torpağına, millətinə, vətəninə
sədaqətinin nümunəsidir. Digər tərəfdən, bu, Ermənistan silahlı
qüvvələrinin Azərbaycana qarşı törətdiyi soyqırımıdır, barbarlığın
və faşizmin görünməmiş təzahürüdür”-deyə o bildirib.
“Xocalı şəhəri Azərbaycan ərazilərinin növbəti işğalı və
etnik təmizlənməsi üçün mərhələ kimi seçilibdir”
“Xocalıya ədalət” beynəlxalq kampaniyasının İsraildə rəsmi
koordinatoru olan Arye Qut qeyd edib ki, Ermənistan silahlı
birləşmələrinin vəhşiliyi nəticəsində Xocalı sakinlərindən 613
nəfəri öldürülüb, 487 nəfəri şikəst olub, 1275 dinc sakin -
qocalar, uşaqlar, qadınlar əsir götürülüb, ağlasığmaz işgəncələrə,
təhqirlərə və həqarətlərə məruz qalıblar. O,150 nəfərin taleyinin
indiyədək məlum olmadığını diqqətə çatdırıb: “Bu, əsil soyqırımı
idi. Xocalıda qətlə yetirilmiş 613 nəfərdən 106-sı qadınlar, 63-ü
uşaqlar, 70-i qocalar olub. Bu faktlar sübut edir ki, Xocalının
mülki əhalisinin qəsdən məhv edilməsinin məqsədi onların hamısının
azərbaycanlı olduqlarına görə kütləvi şəkildə qırmaq olubdur.
Xocalı şəhəri Azərbaycan ərazilərinin növbəti işğalı və etnik
təmizlənməsi, dəhşətli amansızlığın müqabilində vahimə və qorxu
yaradılması üçün mərhələ kimi seçilibdir. Günahsız uşaqlara,
qadınlara və qocalara qarşı vəhşicəsinə törədilmiş bu qəddarlığın
heç cür izahı yoxdur”.
“Seyran Ohanyan, Serj Sarkisyan beynəlxalq məhkəmə
qarşısında cavab verməlidir”
Arye Qut çıxışının sonunda qeyd edib ki, Xocalının azərbaycanlı əhalisinin qırğını ilə bağlı bütün bu faktlar istər-istəməz nasistlərin Liditsa, Oradur və Xatında törətdikləri cinayətləri yada salır.
“Nə qədər ki Dağlıq Qarabağ Ermənistanın işğalı altındadır, nə qədər ki Azərbaycanın bu dilbər guşəsi işğalçılardan azad edilməyib və azərbaycanlılar doğma yurd-yuvalarına qayıtmayıblar, İsraildəki Azərbaycan diasporunun nümayəndəsi kimi bizim hər birimiz erməni təcavüzü, onun ağır nəticələri ilə bağlı həqiqətin dünya ictimaiyyətinə çatdırılmasına səy göstərməli və ədalətin bərpasına və möhkəmlənməsinə kömək etməliyik”-deyə o bildirib.
Onun sözlərinə görə, Xocalı faciəsi bəşəriyyətə qarşı törədilən
cinayətdir: “Erməni faşistlərinin bu cinayətlərini bütün dünya
bilməlidir. Bu gün Ermənistanda yüksək vəzifələrdə mövqe tutan
insanlar - Seyran Ohanyan, Serj Sarkisyan və başqaları bu
soyqırımının təşkilatçıları kimi beynəlxalq məhkəmə qarşısında
cavab verməlidirlər. Ərazisinin 20 faizinin Ermənistan tərəfindən
işğal olunmasına, ölkədə bir milyondan çox qaçqın və məcburi
köçkünün yaşamasına baxmayaraq, Azərbaycan əsl sivilizasiyalararası
və dinlərarası dialoq nümunəsidir. Qədim Azərbaycan torpağında
islam, iudaizm, atəşpərəstlik, xristianlıq və s. dinlər mövcud
olub. Bu ölkədə indinin özündə də yüksək tolerantlıq və dözümlülük
vardır. Belə bir əhəmiyyətli tarixi fakt da var ki, müsəlman
Şərqində ilk parlamentli respublika olan Azərbaycan Xalq
Cümhuriyyəti hökumətində dörd nazir yəhudi xalqının nümayəndələri
olublar ki, bu da Azərbaycanda tarixən yəhudilərə bəslənilən
münasibəti göstərir”.
“Siz belə bir ölkə sadəcə tapa
bilməyəcəksiniz”
A. Qut qeyd edilib ki, Azərbaycanın Quba rayonundakı Qırmızı
Qəsəbə dünyada yəhudilərin sıx yaşadıqları yeganə və nadir yerdir,
həm də ölkənin əsl qürur mənbəyidir. Burada yəhudilər və
azərbaycanlılar əsrlər boyu dinc yanaşı yaşayır, özlərini doğma
qardaş kimi hiss edirlər. Onlar bir-birinə ümumi tarix və tale ilə
bağlıdırlar.
“Azərbaycanda heç zaman antisemitizm olmayıb və biz Azərbaycanın
İsraildəki diasporu kimi bununla fəxr edirik. Azərbaycan
sivilizasiyalararası dialoqun bir nümunəsidir. Mənə bir ölkə adı
deyin ki, orada prezident və ölkənin birinci xanımının himayəsi
altında iki sinaqoq və Cənubi Qafqazda ən böyük yəhudi təhsil
mərkəzi inşa olunsun. Düşünürəm ki, başqa belə bir ölkə siz sadəcə
tapa bilməyəcəksiniz”.
Asif Nərimanlı
-
Magazin112:31
Hüseyn Həsənov Rəşad Dağlının oğluna görün nə hədiyyə etdi - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın