Nida.az
“Göyçayda zavoda işə düzəlmək üçün mütləq nurçu olmalısan”- Hüquq müdafiəçisi
“Göyçayda nurçuların sayı kifayət qədərdir. Əhali demək olar ki, kütləvi şəkildə nurçuluğa meyl edir”.
Bu barədə Göyçaydan olan hüquq müdafiəçisi Vidadi İsgəndərli Publika.Az-a açıqlamasında deyib. Onun sözlərinə görə, nurçuluğa kütləvi meyl maliyyə ilə bağlıdır: “Çünki burda nurçuların bir neçə zavodu var. İnsanlar ora işə düzəlmək istəyir və əsas şərt olan nurçuluğu qəbul edir. Çoxları ürəklərində qəbul etməsələr də, iş üçün buna gedirlər və istər-istəməz onların dediklərini edirlər”.
Hüquq müdafiəçisi bildirib ki, nurçuların zavodlarına türk əsilli şəxslər rəhbərlik edir: “Yerli əhali isə aşağı vəzifələrdə işləyə bilərlər. Onların bir asfalt zavodu var, orda bütün işçilər Türkiyədən gələnlərdir. Göyçay çayındakı qumu, daşı çıxarıb aparırlar, düz Qəbələyə qədər çayı çirkləndiriblər. Fövqəladə Hallar Nazirliyi onları cərimələyib. Bir neçə karxana da bağlanıb. Hazırda bu zavodların fəaliyyəti ilə maraqlandıram və bununla bağlı müvafiq qurumlara müraciət edəcəm ki, tədbir görsünlər”.
Qeyd edək ki, Daxili İşlər Nazirliyi aprelin 11-də Göyçayda “nurçu” dini təriqətinin ardıcıllarına qarşı əməliyyat keçirib.
Təriqət üzvləri - Göyçay rayon sakinləri Şahin Həsənovun, İlham Həmidovun, Qəbələ rayon sakini Zəkəriyyə Məmmədovun dəvətləri əsasında Türkiyə vətəndaşları “Fırıncı abi” ləqəbli Gülec Mehmet Nuri, Koçoğlu Himmet Uyar Qadir, Uyar Mustafa Kemal, Karagözoğlu Nureddin, Ömer Güzəddəmirçi, həmçinin Bakı şəhər sakinləri Fəxrəddin Xanlayev, Yusif Dadaşov Z.Məmmədova məxsus Göyçay şəhəri Bakı küçəsindəki evdə Qəbələ, İsmayıllı, Ağdaş, Zaqatala və Ucar rayon sakinlərindən ibarət 60-70 nəfərlə toplantı keçiriblər.
Asif
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!
-
Hadisə24 Aprel 21:49
Vətən müharibəsi iştirakçısı anasının xəstəliyini eşidib intihar etdi
-
Magazin124 Aprel 21:05
O getdi, mən də daha yoxam! - Əməkdar artist səhnə ilə vidalaşdı