• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Rauf Mirqədirov Türkiyədən deportasiya edildi - YENİLƏNİB

  • Nida.az
  • 19 Aprel 2014 14:24
  • 585 Baxış
Rauf Mirqədirov Türkiyədən deportasiya edildi - YENİLƏNİB

“Ayna-Zerkalo” qəzetinin Türkiyə təmsilçisi, siyasi şərhçi Rauf Mirqədirov Türkiyədən deportasiya edilib.

Bu barədə məlumatı Türkiyədə yaşayan jurnalist Şeyda Nəsibli verib. Onun dediyinə görə, bir müddət əvvəl tanınmış jurnalistin Türkiyədə mətbuat təmsilçiliyi ləğv edilib. Ötən gecə isə Rauf Mirqədirov ailəsi ilə birlikdə avtobusla Türkiyəni tərk etmək istəyib. Lakin yola düşəndən 15 dəqiqə sonra avtobus saxladılıb, jurnalistə və ailə üzvlərinə qarşı kobudluq edilib. Heç bir səbəb göstərilmədən Rauf Mirqədirov avtobusdan endirilib.

Jurnalistin deportasiya proseduru üçün Əmniyyət İdarəsinin xarici vətəndaşlar şöbəsinə aparıldığı bildirilir. Hazırda deportasiya üçün sənədlər hazırlanır və jurnalist Azərbaycana göndəriləcək. Ailəsi ilə görüşə isə icazə verilmir.

***

Türkiyədən deportasiya edilən azərbaycanlı jurnalist və siyasi şərhçi Rauf Mirqədirov bu dəqiqələrdə polisin müşayiəti ilə Ankara hava limanına gətirilib və Bakıya uçan təyyarəyə mindirilib. Məlumata görə, jurnalist həyat yoldaşına saxlanılması ilə bağlı məlumat verə bilib. Rauf Mirqədirovun sözlərinə görə, polisdən ona bildirilib ki, hər hansı cinayət və ya digər qeyri-qanuni əməllə bağlı onlarda məlumat yoxdur. Sadəcə olaraq, Türkiyə hakimiyyətinin yüksək dairələrindən jurnalistin deportasiyası barədə göstəriş gəlib. Rauf Mirqədirova 12 ay müddətinə Türkiyəyə giriş yasağı qoyulub. Ankaradan Bakıya gələn təyyarə saat 16.30-da Heydər Əliyev Beynəlxalq Hava Limanında olmalıdır.

Xəbər lenti

DAHA ÇOX XƏBƏR