“Qarabağ planı” dəyişdi? - Putinin məxfi SSENARİLƏRİ
Bizi izləyin

Nida.az

“Qarabağ planı” dəyişdi? - Putinin məxfi SSENARİLƏRİ

“Qarabağ münaqişəsi ən mürəkkəb məsələlərdən biridir. Burada birmənalı olaraq həll yolları tapılmayıb. Yəni hər iki tərəf üçün münasib variant hələki yoxdur. Bu da danışıqlar prosesinin dayandırılmasına gətirib çıxardı”.

"Qarabağ münaqişəsi ən mürəkkəb məsələlərdən biridir. Burada birmənalı olaraq həll yolları tapılmayıb. Yəni hər iki tərəf üçün münasib variant hələki yoxdur. Bu da danışıqlar prosesinin dayandırılmasına gətirib çıxardı".

Publika.az
xəbər verir ki, bu barədə rusiyalı politoloq Andrey Piontkovskiy aprel müharibəsindən sonra münaqişənin həlli ilə bağlı aparılan intensiv danışıqların dayanmasını şərh edərkən deyib.

Onun sözlərinə görə, Qarabağ münaqişəsinin nizama salınması prosesində Rusiya öz şəxsi marağını önə çəkir: "Buna görə də o, münaqişənin tamamilə həllində maraqlı deyil. Digər tərəfdən, Yaxın Şərqdə və regionda baş verən proseslər də Qarabağ danışıqlarına təsir etməyə bilmir".


A. Piontkovskiy qeyd edib ki, Rusiya Cənubi Qafqazda hər üç ölkəyə təsir etmək üçün öz mövqelərini güzəştə getmək fikrində deyil.

"Rusiya üçün indiki vəziyyətdə Gürcüstana təsir etmək çətindir. Lakin Putin Rusiyası bu məsələdə status-kvonu saxlayır və məxfi şəkildə gözlənilməz ssenariləri hazırlayır. Bu onu deməyə əsas verir ki, bölgədə maraqlarını qorumaq üçün Rusiya Azərbaycan və Ermənistanla münaqişənin həllinə dair danışıqları davam etdirəcək", - deyə o bildirib.

Rusiyalı politoloq vurğulayıb ki, Qarabağ münaqişəsinin həllində danışıqlar və müharibə variantları var: "Aprel müharibəsi göstərdi ki, Azərbaycan müharibə variantını həmişə gündəmdə saxlayır. Lakin Rusiya aprel hadisələrini hesablaya bilmədi. Bundan sonra o, çalışacaq ki, tərəflər arasında güc balansını bərpa etsin. Həmçinin, danışıqlarda iştirak edərək münaqişənin həllinə imkan verməyəcək. Hesab etmək olar ki, Moskvasız tərəflər razılığa gələ bilərlər. Bu gün Rusiyanın planları haqda söhbətlər edilir. Fikrimcə, Rusiyanın planı varsa, bu münaqişənin həlli ilə bağlı deyil".

A. Piontkovskiy münaqişənin həlli üçün Qərbi hərəkətə keçməyə çağırıb.

"Burada müsbət nəticələr üçün mütləq mənada Moskvanın təsirlərini azaltmaq lazımdır", - deyə o bildirib.

Politoloqa görə, Qarabağda müharibə riski qalır: "Aprel döyüşləri göstərdi ki, müharibə riski həmişə aktual olaraq qalır".


Qeyd edək ki, aprel müharibəsindən sonra Rusiyanın münaqişənin həlli ilə bağlı "Qarabağ planı"nın olduğuna dair informasiyalar var idi. Məlumatlara görə, bu plan iyunun 20-də Rusiya, Azərbaycan və Ermənistan prezidentlərinin Sankt-Peterburqda keçirilən görüşündə müzakirə olunub. Hətta müəyyən razılıqların olduğu da deyilirdi.

Plana görə, ilkin olaraq işğal altındakı 5 rayon qaytarılır. Daha sonra iki rayonun qaytarılması məsələsi həll olunur. Qaçqınların öz evlərinə qayıtması təmin olunur. Qarabağa aralıq status verilir və bölgədə təhlükəsizliyi sülhməramlılar təmin edirlər. Sonuncu mərhələdə isə Qarabağın statusunu müəyyənləşdirmək üçün referendum məsələsi müzakirə predmentinə çevrilir.

Asif Nərimanlı

Oxumağa davam et
Reklam
Reklam

Gündəm