Nida.az
II Qlobal Cəmiyyət Forumunun II sessiyası keçirilib
II Qlobal Cəmiyyət Forumunun II sessiyası
keçirilib.
Diasporla İş üzrə Dövlət Komitəsindən Publika.az-a verilən
məlumata görə, II Qlobal Açıq Cəmiyyətlər Forumunun II sessiyasında
Finlandiyanın sabiq Prezidenti, BMT-nin Qlobal Davamlılıq üzrə Ali
Səviyyəli Panelinin həmsədri Tarya Halonen, Botsvananın sabiq
Prezidenti Festus Moqaç, Moldovanın sabiq Prezidenti Petru
Luçinski, Beynəlxalq Yaşıl Xaç Cəmiyyətinin nümayəndəsi Aleksandr
Likotal, İsrailin sabiq Baş naziri Ehud Barak, BMT-nin Ətraf
Mühitin Mühafizəsi Proqramının icraçı direktoru Akim Ştayner və
Azərbaycanın iqtisadiyyat və sənaye nazirinin müavini Sevinc
Həsənova məruzəçi qismində çıxış edib.
Tədbirin moderatoru Fridrix Erbert Ştiftunq Fondunun İsrail
filialının icraçı direktoru Verner Puşra olub.
Panel iclasında davamlı iqtisadi artıma nail olmaq üçün sosial
inteqrasiyanın əhəmiyyəti və əldə edilən uğurların da öz növbəsində
inteqrasiya, təbii sərvətlər və qlobal sərhədlərdən asılılığı,
təmiz texnologiyalar və yaşıl enerjinin vəhdətinin daha çox işlə
təmin etməyə və beləliklə də daxili iqtisadi artımı daha da
gücləndirməyə xidmət etməsinə dair müzakirələr aparılıb.
Sessiyada iş və həyat təcrübəsindən çıxış edən iştirakçılar
gündəlikdə duran məsələlərlə bağlı təcrübə və biliklərinin
paylaşıblar.
Panel müzakirədə T.Halonen Skandinaviya modeli, bu ölkələrin
iqtisadi sahədə təcrübələrindən söz açaraq qeyd edib ki, gender
perspektivləri baxımından qadınlar yaxşı təhsil ala bilərlər, lakin
onların potensialından tam istifadə olunmur, onlar cəmiyyətdə
geridə qalır: "Bunun isə səbəbləri müxtəlifdir. Sosial iqtisadi
islahatlar qadınlara daha geniş imkanlar aça bilər. Bu isə öz
növbəsində ölkə iqtisadiyyatında özünün müsbət nəticələrini
verəcək".
Sosial inteqrasiyanın mənəvi zərurət olduğunu bildirən Botsvananın
sabiq prezidenti F.Moqaç öz çıxışında Afrika ölkələrində hökm sürən
yoxsulluq və həyat tərzinə toxunub. Cənubi Afrika Respublikasının
qitənin digər ölkələrinə nisbətən inkişafının səbəbləri, İsrailin
70 il öncə və hazırkı iqtisadi durumu, həmçinin Botsvananın
iqtisadi tərəqqi yolunda qarşılaşdığı problemlər və hökumətin bu
problemləri aradan qaldırmaq istiqamətində atdığı addımlar haqqında
iştirakçılara məlumat verib.
İsrailin sabiq Baş naziri E.Barak dayanıqlı iqtisadi inkişaf
istiqamətində İsrailin mövcud çatışmazlıqları barədə çıxış edib. O
qeyd edib ki, 70-80-ci illərdən sonra İsraildə başlayan əhalinin
bərabərsizliyi, cəmiyyətlərdaxili vəziyyətin ürəkaçan olmaması,
əmək bazarında mövcud boşluq, əhalinin üçdə birinin əmək bazarına
inteqrasiya edə bilməməsi əsas problemlərdən idi.
Moldovanın sabiq prezidenti P.Luçinski isə ölkəsinin Sovet
İttifaqından ayrılandan dərhal sonra elmi-texnoloji yeniliklər
sayəsində iqtisadiyyatı bərpa edə bilməsini xüsusi vurğulayıb:
"Avropa ölkələrinə miqrasiya edən əhalinin sayının artmasına
baxmayaraq, bu, dövlət büdcəsdində müsbət saldonun yaranması ilə
nəticələndi. Belə ki, dövlət büdcəsinin 1 milyarddan çoxu məhz
miqrantların vəsaiti hesabına formalaşmışdı".
Sabiq prezident artıq Moldova Avropa İttifaqı ölkələri ilə vizasız
gediş-gəliş rejiminin tətbiqini də xüsusi qeyd edib. Çıxışının
sonunda Moldovanın sabiq prezidenti İsrail və Yaponiyanın yaşlı
vətəndaşların rifahı və cəmiyyətə inteqrasiyası sahəsində
təcrübəsindən BMT-nin bəhrələnməsinin vacib olduğunu bildirib.
Sessiyada çıxış edən Azərbaycanın iqtisadiyyat və sənaye nazirinin
müavini S.Həsənova qeyd edib ki, onun gəncliyi Dağlıq Qarabağın
işğalı dövrlərinə təsadüf edib və müharibənin, qaçqınlığın
Azərbaycan iqtisadiyyatına mənfi təsirinin canlı şahidi olub.
Azərbaycanın keçdiyi iqtisadi inkişaf yolundan danışan S.Həsənova
deyib ki, iqtisadi inkişafa yoxsulluğun azaldılması istiqamətində,
yəni sosial rifahın yüksəldilməsi ilə başladıq bu isə bizim
atdığımız addımları daha məhsuldar etdi: "Azərbaycan 2020: gələcəyə
baxış" İnkişaf Konsepsiyası isə zəncirvari bağlı olan bütün
istiqamətləri həm öz-özlüyündə, həm də bir-biri ilə uzlaşdırılmış
şəkildə əhatə edəcək və başlıca məqsəd olan "dayanıqlı inkişaf"
məsələsinə konseptual baxış və yanaşma imkanı yaradacaq".
Sonda dinləyicilər də məruzəçilərlə birgə müzakirələrə qoşulub və
mövzu ilə əlaqədar geniş fikir mübadiləsi aparılıb.
-
İdman15:15
Həbsxanadan məktub yazdı: İki zabitin qarşısında soyunmalı oluram - FOTOLAR
-
Rəsmi xronika14:51
Azərbaycan Qırğızıstanla Anlaşma Memorandumu imzaladı
-
Hadisə14:06
Sabiq baş pediatr özünü güllələdi - TƏCİLİ
-
Rəsmi xronika14:05
Prezidentlər mətbuata bəyanatlarla çıxış etdilər - Yeniləndi
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi
-
Qoroskop13:25
Gecə 03:48-də başladı: mayın 10-a qədər... - Astroloqdan ŞOK XƏBƏRDARLIQ
-
İdman12:36
Görün ulduz futbolçuların xanımları hansı peşələrdə çalışırmış - FOTOLAR
-
Magazin112:01
Cavanşir Məmmədova gələn müəmmalı zəng: son sözü bu olub