Qarabağa YENİ FORMAT, müharibəyə son qoymaq üçün tək yol... – GÜNÜN SİYASİ XÜLASƏSİ

Bakı Dağlıq Qarabağ münaqişəsinin həlli ilə bağlı Fransanın təklif etdiyi 3+2 formatında Hamburqda görüş təklifini dəstəkləyir. Bu gün səhər saatlarında Kolumbiyada çoxsaylı insanın ölümü ilə nəticələnən təyyarə qəzası baş verib. Suriya müxalifəti vətəndaş müharibəsi dövründə ən ağır məğlubiyyətlərdən birini almağa yaxındır. Türkiyə prezidenti Yaxın Şərqdə sülhün yeganə yolunu göstərib. ABŞ yerdəki problemlərdən bezərək kosmosda müharibə ssenariləri hazırlayır.

Azərbaycanın xarici işlər naziri Elmar Məmmədyarov mətbuat konfransında deyib ki, Bakı Dağlıq Qarabağ münaqişəsinin həlli ilə bağlı Fransanın təklif etdiyi 3+2 formatında Hamburqda görüş təklifini dəstəkləyir.

Bundan başqa nazir, Minsk qrupunun amerikalı və fransalı həmsədrlərinin dəyişməsinin danışıqlar prosesinə əsaslı dəyişikliklər gətirəcəyini gözləmədəyini deyib: “Fransanın Minsk qrupundakı yeni həmsədri təcrübəli diplomatdır. Mən onunla Parisdə bir neçə dəfə görüşmüşəm. O, münaqişənin nizamlanması prosesi barədə çox məlumatlıdır.”

Təyyarə qəzasında 75 nəfər öldü

Bu gün səhər saatlarında göyərtəsində braziliyalı futbolçuların da olduğu “RJ85” tipli sərnişin təyyarəsi Kolumbiya səmasında qəzaya uğrayıb. LAMIA” hava yolları şirkətinə məxsus Təyyarənin göyərtəsində 72 sərnişin və 9 nəfər ekipaj üzvü olub.

Çarter reysi ilə uçan təyyarədəki futbolçular Braziliyanın “Chapecoense” klubunun üzvləri olub. Onlar noyabrın 29-da Cənubi Amerika Kuboku uğrunda Kolumbiyanın “Atletico Nacional” klubu ilə oyun keçirməli idi. Səlahiyyətlilər qəza nəticəsində 81 nəfərdən 75-nin öldüyünü açıqlayıb.

Qəzanın səbəbi hələlik bəlli deyil. Qəzanın mümkün səbəbləri arasında təbii amillər də var. Hadisə baş verən zaman Kolumbiyada güclü yağışın yağdığı və şimşək çaxdığı deyilir. Daha bir versiya isə təyyarənin yanacağının qurtarmasıdır.

Braziliya prezidenti Mişel Temer təyyarə qəzası ilə əlaqədar ölkədə üçgünlük matəmi elan edib.

Ərdoğandan İsrailə xəbərdarlıq: “Sülh üçün tək yol...”

“Əbədi sülh üçün tək yol 1968-ci il xəritəsi əsasında müstəqil Fələstin dövlətinin qurulmasıdır”.

Bunu Türkiyə prezidenti Rəcəb Tayyib Ərdoğan “Parlamentlərarası Qüds platforması: Qüds və danışıqlar prosesinin problemləri simpoziumu”nda çıxışında deyib.

Suriyada həyata keçirilən “Fərat Qalxanı” əməliyyatından danışan Türkiyə prezidenti bildirib ki, bu ölkəyə diktator Bəşər Əsədin hökmranlığına soy qoymaq üçün giriblər. “Biz səbr, səbr dedik, ən sonda dözə bilməyərək Azad Suriya Ordusu ilə Suriyaya girmək məcburiyyətində qaldıq. Nə üçün girdik? Bizim Suriya torpaqlarında gözümüz yoxdur. Biz dövlət terroru ilə məşğul olan Əsədin hökmranlığına son qoymaq üçün oraya girdik”, - deyə Ərdoğan vurğulayıb.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Əsəddən strateji qələbələr

Suriyanın hökumət gücləri Hələbin daha iki kvartalında - Şeyx-Hodr və Şeyx Faresdə müxalifət güclərini məğlubiyyətə uğradıb. Suriya ordusunun qərargahından verilən məlumata görə, bununla da, rejim qüvvələri şəhərin bütün şimali-şərq hissəsi üzərində nəzarəti təmin edib.

Bundan başqa, ordu As-Sukkari və Bustan-al-Başa kvartallarında müxalifət qüvvələrinin ön mövqelərini məhv edib. Hökumət qoşunları su nasosu stansiyasının yerləşdiyi Sleyman-al-Xalyabini geri qaytarıb. Bəzi məlumatlara görə, Hələbin bəzi hissələrinə artıq duzsuz suyun verilməsi bərpa edilib.

Dünən hökumət qoşunları Hələbin şərqində 14 kvartalı müxalifət güclərindən təmizləyib. Gün ərzində 140-dan çox döyüşçü müqaviməti dayandırıb və açılan dəhlizlərlə şəhərdən çıxıb. Hələbin şərq hissəsinin müxalifət güclərindən təmizlənməsi əməliyyatının aktiv mərhələsi noyabrın 21-də başlandı. Quru gücləri Rusiya və Suriyanın hava qüvvələri dəstəkləyir.

Suriya müxalifəti isə bildirib ki, Hələbin itirilməsi rejimə qarşı mübarizənin başa çatdığını göstərməyəcək. Suriya Ali Danışıqlar Komitəsinin üzvü Corc Sabranın sözlərinə görə, Hələb inqilab üçün vacib yer olsa da, sonuncu məntəqə deyil: “Hazırda Azad Suriya Ordusunun nəzarətində kifayət qədər çox yer var. İndiki şəraitdə heç kim sülh haqqında düşünə bilməz”.

Rusiya prezidenti Vladimir Putin Təhlükəsizlik Şurasının toplantısını keçirib. Dövlət başçısının mətbuat katibi Dmitri Peskovun sözlərinə görə, xüsusi halda, Hələbin şərqində Suriya ordusunun irəliləyişi və şəhərin əhəmiyyətli kvartallarının müxalifət güclərindən azad edilməsi müzakirə edilib.

Fransa Hələb məsələsi ilə əlaqədar təcili olaraq BMT Təhlükəsizlik Şurasının çağırılmasını tələb edib: “Biz təcili olaraq Hələbin bombardmanının dayandırılmasını istəyirik. Bu şəhərə humanitar yardım maneəsiz çatdırılmalıdır”.

Ərdoğan kiber ordu barədə əmr

Türkiyə prezidenti Rəcəb Tayyib Ərdoğanın əmri ilə Türkiyə yeni kiber ordu qurmaq üçün hərəkətə keçib. Məqsəd kibertəhlükəsizliyi təmin etməkdir.

Türkiyə mediasının məlumatına görə, hazırda bununla bağlı dünya təcrübəsi öyrənilir. Xüsusilə ABŞ, Cənubi Koreya, İsrail, Çin kimi ölkələrin təcrübəsindən istifadə olunacaq. Kiber ordu dövlətə hər-hansı təhlükə yaranacağı təqdirdə, dərhal hərəkətə keçəcək. Həmçinin, əsas prinsip “Ən yaxşı müdafiə hücumdur” olacaq. Ordunun tərkibində ən güclü xakerlər təmsil olunacaq və onlar müqavilə ilə işləyəcəklər.

Türkiyə kəşfiyyatı PKK və YPG-nin (PKK-nın Suriya qolu olan PYD-nin silahlı qanadı-red) Almaniya planını de-şifrə edib. Xüsusi təyinatlı qüvvələr Atatürk hava limanında PKK-nın şəhərlərdə fəaliyyət göstərən təşkilatı KCK-nin Türkiyə üzrə “nümayəndəsi” Sara Aktaşa qarşı əməliyyat keçiriblər. Aktaş Ruken Şahin adlı saxta pasportla tutulub.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Prezidentin korteji partladıldı – 9 yaralı

Filippin prezidenti Rodriqo Dutertenin kortejinin yolunda partlayış olub. Dövlət başçısının təhlükəsizlik xidmətinin doqquz əməkdaşı yaralanıb.

Partlayış Minadanao adasında Maravi şəhərinin yaxınlığında baş verib. Partlayış dəqiqəsində avtomobil kortejində prezident olmayıb. Bəzi məlumatlara görə, partlayışın arxasında “Maute” islam qruplaşmasının döyüşçüləri dayanır.

Prezidentin impiçment məsələsi səsverməyə çıxarılacaq

Cənubi Koreya parlamenti dekabrın 2-də prezident Pak Kın Xenin impiçmenti məsələsi üzrə səsvermə keçirilə bilər. Ölkənin üç müxalifət partiyası prezidentin impiçmenti üzrə səsverməni keçirmək niyyətindədir. “Biz bu həftə impiçment prosedurunu başa çatdırmağa çalışacağıq”, - deyə Demokrat Partiyasının lideri bildirib.

Bu qərarla Xalq və Həmrəylik partiyalarının liderləri də həmrəylik ifadə ediblər. Xalq Partiyasının başçısı bildirib ki, müxalifət impiçmentin dekabrın 2-də keçirilməsi barədə razılaşıb.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Ermənistan kommunistlərdən REFERENDUM TƏKLİFİ

Ermənistan Kommunist Partiyası Mərkəzi Komitəsinin birinci katibi Taçat Sarkisyan rus dili haqqında məsələnin referenduma çıxarılmasını təklif edib. Onun sözlərinə görə, rus dilinə dövlət statusunun verilməsi haqqında məsələni referendumda həll etmək lazımdır.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Bunu “Luqansk Xalq Respublikası” (“LXR”) separatçı qurumun lideri İqor Plotnitski keçirdiyi mətbuat konfransında Kiyevi hədələyib.O, bildirib ki, qışın sonuna kimi Minsk razılaşmalarını yerinə yetirməsə, Ukrayna dağılacaq.

“Əgər Poroşenko qışın sonun akimi Minsk razılaşmalarını yerinə yetirməsə, deməli razılaşmaları növbəti prezident yerinə yetirəcək. Əks halda Ukrayna dağılacaq və yaranacaq xalq respublikalarını saymaq çətin olacaq”, - İqor bildirib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

ŞOK: Yadplanetlilər hücuma hazırlaşır - ABŞ hərəkətə keçdi - SSENARİLƏR

ABŞ deyəsən yerdəki müharibələrdən bezib. Vaşinqton kosmos müharibələri və yadplanetlilərin Yerə hücum ehtimalına qarşı hazırlıqlara başlayıb.

CNN telekanalının verdiyi xəbərə görə, kosmos müharibələri, yadplanetlilərin hücumu üçün bir sıra ssenarilər hazırlanır. CNN-ə danışan ABŞ strategiya komandiri general Con Hayten bildirib ki, insanın getdiyi hər yerdə qarşıdurmalar baş verib.

“İnsan indi kosmosa gedir. Qarşıdurma ehtimalına hazır olmalıyıq”, - amerikalı general deyib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Ömər Dağlı