• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Xarici təxribatçılar dinc vətəndaşları qətlə yetirəcək – Azərbaycanlı konspiroloqun şok proqnozu

  • Nida.az
  • 21 Yanvar 2014 15:53
  • 1 754 Baxış
Xarici təxribatçılar dinc vətəndaşları qətlə yetirəcək – Azərbaycanlı konspiroloqun şok proqnozu

“Kiyev hadisələri 20 Yanvar Bakı hadisələrinin tam təkrarıdır. Ssenari eynidir. Bakı hadisələri SSRİ-nin sonunu yaxınlaşdırdı. Kiyevdəki operativ ssenari də tam mənada eyni olacaq. Yəni, telemərkəzin partladılması, qətliam orada da gözlənilir. Xarici təxribatçılar dinc vətəndaşları qətlə yetirib bu cinayəti Yanukoviçin ayağına bağlayacaqlar”.

Publika.Az –ın xəbərində görə, bu sözləri yazıçı-publisist, konspiroloq Həmid Herisçi Ukraynadakı son hadisələri şərh edərkən deyib.

Müsahibimiz bildirib ki, bugünkü Kiyevdəki hadisələr həqiqətən də 20 Yanvar ssenarisi ilə yenidən səhnələşdirilir. “Bunu təbii qarşılamaq lazımdır. Xüsusi xidmət orqanları təzə siyasi olayları həmişə sınanılmış nümunələr əsasında hazırlayırlar”, - H.Herisçi söyləyib.

O, Kiyevdəki son hadisələrin də 20 Yanvar faciəsinin ildönümündə təsadüfən təkrarlanmadığını bildirir:

“Məncə Kiyevdəki hadisələr Amerika respublikaçılarının nəzarəti altındakı tam məxfi diversiya qrupları tərəfindən həyata keçirilir. Onlar hələ 24 il əvvəl də oxşar təxribatları Bakıda törətmişdilər. NATO-nun tərkibindəki bu gizli təxribat qurumlarının ümumi şərti adı "Qladio"dur. Türkiyyədə həmin gizli təşkilat “Ergenekon” adlanır. Bu cür məxfi qurumlar heç vaxt öz adları ilə çıxış etmirlər. Əməliyyatlarının adı “Yalançı bayraq” (falshe flaq operition) adlanır. Yəni, bu qurumlar həmişə yalançı bayraq altında çıxış edib izləri azdırırlar”.

H.Herisçi hesab edir ki, Moskvanı Kiyevdə növbəti də təxribata qarışdırmaq istəyən güclər var:

“İyirminci-otuzuncu illərdən başlayaraq Qərb kəşfiyyatı Rusiyaya qarşı tam məxfi “Prometey” əməliyyatını aparır. Bu əməliyyatın əsas məqsədi millətçi qüvvələri Rusiya sərhədləri boyunca təşkilatlandırıb təxribatlara, kəşfiyyat əməliyyatlarına cəlb etməkdir. Həmin əməliyyatın operativ ssenarisi tərkibində 20 Yanvar hadisələrinin eyni oxşar sxemi mövcuddur”.

Ömər Dağlı

Xəbər lenti

DAHA ÇOX XƏBƏR