Nida.az
Müsavata məktub yetişmədi: müxalifət avropalılarla dava etdi
Avropalılarla müxalifətin görüşündə nələr baş verib? Dünən baş
tutan görüşdən sonra əsas sual budur. Məlumatlara görə, görüş
keçirilib, amma müxalifət partiyaları görüşü yarımçıq tərk ediblər.
Yəni Avropadan gələn qonaqlara “dərs vermək” kimi bir addım atılıb.
Səbəb nə olub, bu da maraqlıdır.
Məruzəçilərlə görüşdə qalmaqal, AŞPA rəhbərliyinə
çağırış
Belə ki, Avropa Şurası Parlament Assambleyasının Azərbaycan üzrə
məruzəçiləri Pedro Aqramunt və Cozef Debone Qrex yanvarın
21-də-dünən Bakıda müxalifət təmsilçiləri ilə görüşüblər. Görüşdə
Milli Şuradan AXCP sədri Əli Kərimli, KXCP sədri Mirmahmud
Mirəlioğlu, Azad Demokratlar Partiyası təşkilat komitəsinin (keçmiş
ACP) sədri Sülhəddin Əkbər və ADP sədri Sərdar Cəlaloğlu ilə “REAL”
hərəkatının icraçı katibi Natiq Cəfərli iştirak ediblər. Lakin
görüş sona qədər davam etməyib. Daha sonra bəyan ediblər ki,
Aqramunt və Qrex məruzəçi kimi tərəfsiz deyillər, hökumətlə
əməkdaşlıq edirlər: “Bu məruzəçilər tərəf tutduqları üçün obyektiv
hesabat hazırlaya bilməzlər və onların hazırladıqları hesabat qəbul
olunmayacaq. Müxalifət təmsilçiləri AŞPA-nı Azərbaycan üzrə
məruzəçilərini obyektiv və tərəfsiz üzvləri ilə əvəzləməyə çağırır
və bəyan edirlər ki, Aqramunt və Qrex dəyişilməyəcəyi təqdirdə,
ölkə müxalifəti AŞPA məruzəçiləri ilə əməkdaşlıq etməyəcək”.
REAL təmsilçisi Natiq Cəfərli isə bildirib ki, Pedro Aqramunt və
Cozef Qrex Avropa dəyərlərinə təhqirdir, onların mövqeyi,
etinasızlığı, ölkəmizə yuxarıdan aşağı baxmalarının bir səbəbi ola
bilər-şəxsi maraqlar.
“Mən öz adımdan bəyan edirəm ki, məhz bu iki şəxslə bir daha
görüşməyəcəyəm. Sonda onlara dedim ki, siz gəldi-gedərsiniz, amma
davranışlarınız Avropa dəyərlərini devalvasiyaya uğradır və bizim
kimi Avrointeqrasiya tərəfdarlarının ölkədə dilini qısa edir, bu
sizin vurduğunuz ən böyük ziyandır, köməyinizi istəmirik, heç
olmasa hakimiyyətlə əlbir olub, ölkənin demokratikləşməsinə mane
olmayın”-deyə o qeyd edib.
Məlumatlara görə, görüşdə qalmaqal yaşanıb. Əldə etdiyimiz
məlumata görə, müxalifət təmsilçiləri israrla avropalıları
hakimiyyəti tənqid etməyə çağırıblar. Qalmaqal səbəb olan əsas
məqamlardan biri də bu olub. Daha sonra vəziyyət müzakirə
müstəvisindən çıxıb və görüş yarımçıq qalıb.
Müsavatın yolda itən məktubu, İsa Qəmbərin
reaksiyası
Görüşdə diqqət çəkən məqamlardan biri isə müxalifətin digər
partiyaların orda olmaması olub, xüsusilə Müsavat. Milli Şuranın
əsdas liderləri görüşdə olduğu təqdirdə son qarşıdurmanın fonunda
Müsavat rəhbərliyinin orda olmaması iki versiyanı ortaya çıxarırdı.
Birincisi: Müsavat məhz konfliktdə olduğu şəxslərlə bir yerdə
iştirak etmək istəməyib. İkincisi avropalılar Müsavatı maraq
dairələrindən uzaqlaşdırıblar.
Lakin partiyanın yaydığı məlumatda bu iki versiya deyil,
gözlənilməz üçüncü versiya ortaya çıxdı. Müsavatın yaydığı
məlumatda deyilir ki, görüşə dəvət haqqında məlumat Müsavat
Partiyası başqanının keçmiş köməkçisi, hazırda partiyanın üzvü
olmayan şəxsə verilib, lakin məlumat partiya rəhbərliyinə
çatdırılmayıb: “Müsavat Partiyasının rəhbərliyi həmin görüşdə məhz
bu səbəbdən - yəni görüşə dəvət barədə məlumat verilmədiyindən
iştirak etməyib. Avropa Şurasının Bakıdakı nümayəndəliyindən də
partiyaya bildirilib ki, dəvət məktubunu Yeganə Hacıyevaya
veriblər”.
Nələr baş verir: bu anlaşılmazlıq təxribatdır, yoxsa yanlış?
Nəzərə alsaq ki, Y. Hacıyeva Müsavatın Milli Şura ilə bağlı
mövqeyinə görə istefa verdi və keçmiş partiyasına qarşı yetərincə
aqresiya nümayiş etdirdi. Özü isə Milli Şuranın sədr aparatında
təmsil olunmağı daha üstün tutdu. Bu baxımdan, məsələ suallar
doğurur.
Yeganə Hacıyeva isə sosial şəbəkələrdə bildirib ki, İ. Qəmbərin
məruzəçilərlə görüşə dəvət olunması ilə bağlı ona məlumat
verilməyib.“Nə baş verdiyi mənə məlum deyil. İstefamdan sonra mənə
beynəlxalq təşkilatların Azərbaycandakı qurumlarından Müsavat
Partiyasını hər hansı görüşə dəvətlə bağlı müraciət olmayıb. Çünki
beynəlxalq təşkilatların Azərbaycandakı nümayəndələri mənim
istefamdan xəbərdardırlar. Hətta beynəlxalq təşkilatlardan
hər-hansı birindən mənə belə müraciət olsaydı, istənilən halda
Müsavat Partiyasını xəbərdar edərdim. Mən 8 il Müsavat Partiyasının
üzvü olmuşam”-deyə o bunları təkzib edib.Hər-halda Müsavatın
yetişməyən məktubunun yolda necə yoxa çıxması maraqlı məqamdır.
Əvəz Temirxan avropalıları qabaqlayıb
Görüşdə iştirak etməyən ALP sədri Əvəz Temirxan isə Publika.Az –a açıqlamasında onun da görüşə
dəvət edildiyini, lakin iştirak etməkdən imtina etdiyini
bildirib.“Məruzəçilər demokratik olmayan iqtidar mövqeyi tutduğuna
görə qərar alındı ki, orda iştirak etməyim. Mətbuatla da mövqeyimi
çatdırıram: görüşdən imtina etməyimin səbəbi anti-demokrat
mövqelərinə görədir”-deyə partiya sədri qeyd edib.
Məsələyə YAP da qarışdı
Yeni Azərbaycan Partiyası da baş verənlərə münasibət bildirib. YAP
Siyasi Şurasının üzvü, millət vəkili Aydın Mirzəzadə Publika.Az -a açıqlamasında deyib ki, kim
müxalifətin fikirlərini bölüşmür, həmin şəxsləri anti-demokrat
qüvvələr kimi təqdim edirlər: “Baxmayaraq ki, özləri mövqelərini
tez-tez dəyişirlər. Müxalifətin sosial bazası yoxdur. Həm də
demokratiyanın inkişafına heç bir töhfə vermirlər. Yalnız
başqalarını ittiham etmək onların fəaliyyətinin əsas qayəsinə
çevrilib. Digər tərəfdən unutmaq lazım deyil ki, hər bir siyasi
qüvvə öz fəaliyyətində sərbəstdir. Çox qəribədir ki, hansısa siyasi
nə mövqeyindən çıxış edəcəyini kimlərləsə, ilk növbədə radikal
müxalifət rəhbərləri ilə məsləhətləşməməlidir. Necə mövqe
sərgiləyərək deyə onlardan soruşmalı idilər?!”.
A. Mirzəzadə bu mövqeyin doğru olmadığını, anti-demokratik
yanaşma olduğunu bildirib.
Asif Nərimanlı
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək