• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

“16 may Azərbaycanda matəm günü elan olunsun”

  • Nida.az
  • 15 May 2014 16:52
  • 761 Baxış
“16 may Azərbaycanda matəm günü elan olunsun”

Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev Türkiyənin Soma şəhərində yerləşən daş kömür mədənində baş verən partlayışla bağlı Azərbaycan hökumətinə və ölkənin kütləvi informasiya vasitələrinə müraciət ünvanlayıb.

Publika.Az xəbər verir ki, BAXCP sədri müraciətində Türkiyədə baş verən faciənin miqyasının böyük olduğunu və belə bir gündə qardaş ölkə ilə həmrəylik nümayiş etdirməyin vacibliyini vurğulayıb.

Artıq Şimali Kipr Türk Cümhuriyyətinin və Pakistanın mayın 16-da matəm elan etdiklərini, dünyanın ayrı-ayrı idman klublarının, ictimai təşkilatların Türk xalqı ilə həmrəylik nümayiş etdirdiklərini önə çəkən Qüdrət Həsənquliyev Azərbaycan hökumətini və kütləvi informasiya vasitələrini də müvafiq addımlar atmağa çağırıb: “Azərbaycan ən çətin anlarda da, ən xoş günlərdə də Türkiyə ilə birlikdə olub, qardaş türk xalqının kədərini öz kədəri, sevincini öz sevinci sayıb. Hesab edirəm ki, mayın 16-sı Azərbaycanda da matəm günü elan olunmalıdır”.

BAXCP sədri, eyni zamanda Azərbaycan telekanallarına müraciət edərək, onları mayın 16-da şou xarakterli verilişlər yayımlamamağa, çap media orqanlarını isə 16 may tarixli saylarını qara rəngdə buraxmağa çağırıb.


Asif

Xəbər lenti

DAHA ÇOX XƏBƏR