• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Şimalda məxfi əməliyyat: Rusiya pasportları yığılır - Son məlumat

  • Nida.az
  • 19 May 2014 14:11
  • 1 088 Baxış
Şimalda məxfi əməliyyat: Rusiya pasportları yığılır - Son məlumat

Azərbaycanın Rusiyam ilə sərhəd bölgəsində genişmiqyaslı əməliyyatlara başlanılıb.

Məlumatlara görə, “Sərhəd-sipər” şərti adı altında keçirilən əməliyyatlarda Azərbaycanın daxili işlər orqanları ilə yanaşı, Rusiyanın hüquq-mühafizə orqanları da iştirak edir. Əməliyyat xeyli gizli saxlanılır.

Azərbaycan DİN-i bununla bağlı ictimaiyyətə rəsmi açıqlama veriləcəyini bildirib.

Publika.Az isə yerli mənbələrdən əməliyyatla bağlı maraqlı məlumatlar əldə edib.

Mənbə bildirir ki, bu əməliyyat ənənəvi xarakter daşıyır. Əməliyyat Xaçmaz, Qusar və Quba, həmçinin Zaqatala-Balakən bölgəsini əhatə edir: “Sərhəd Qoşunları gücləndirilmiş iş rejimində işləyir. Sərhədin qarşı tərəfində eyni əməliyyatlar Rusiya tərəfindən də aparılır. Sərhədə yaxın ərazilərdə postlar qurulub.

Yerli polis bölmələri də əməliyyata cəlb edilib”. Məlumata görə, belə əməliyyatlar zamanı çox sayda saxlanılanlar olur. Mənbə əməliyyatın nəyə qarşı aparıldığını da bildirib.

1. Narkotiklərin qanunsuz dövriyyəsinin aşkarlanması.
2. Qaçaqmalçılıq.
3. Radikal dini cərəyanlara qarşı.
4. Qeyri-qanuni silahların yığılması.
5. Pasport qeydiyyatının yoxlanılması.

Həmçinin transmilli cinayətkarlığın digər növlərinə qarşı.

Qeyd edək ki, pasport qeydiyyatının yoxlanılması xüsusilə diqqət çəkir. Çünki bu, belə əməliyyatlara xas olmayan hadisədir. Mənbə bunu bölgədə qeyri-qanuni rus pasportlarının yayılması ilə əlaqələndirir.

Asif

Xəbər lenti

DAHA ÇOX XƏBƏR