Nida.az
Suriyaya azərbaycanlıların aparılmasında Sensasiya - VERSIYA
Üç il öncə Suriyada başlayan daxili müharibə Azərbaycan üçün xarici məsələ idi. O zamana qədər ki, azərbaycanlılar da “din uğrunda cihad” deyib bu torpaqlara döyüşə getməmişdi. Daha sonra Suriya müharibəsində öldürülən azərbaycanlıların cəsədi gəlməsə də adları bir-bir gəlməyə başladı və artıq bu həm də Azərbaycanın daxili məsələsinə çevrildi. Hələ o zamandan əsas sual vətəndaşlarımızı Suriyaya kimin aparması idi. Buna nə rəsmi cavab verilib, nə də hər-hansı açıqlaması var.
Buna rəğmən Suriyada döyüşən vətəndaşlarımızın taleyi, onların
sayı, hansı cəbhələrdə döyüşməsi də qaranlıq olaraq qalır. Bu
barədə bəzi məlumatlar verilsə də, dəqiqliyi sual altındadır. Təkcə
bir nəfərin verdiyi məlumatdan başqa. Söhbət konfliktoloq Arif
Yunusdan gedir. A. Yunus dəfələrlə Suriyadakı azərbaycanlıların
sayı, öldürülənlər haqda dəqiqliyə daha yaxın informasiyaları
mətbuata açıqlayıb. Sonuncu dəfə isə Suriyada 2, Əfqanıstanda isə 3
azərbaycanlı qadının vuruşduğunu açıqladı.
“Əfqanıstanda 3 azərbaycanlı qadının olması dəqiqdir, Suriyada isə ikisinin olmasının dəqiq bilirəm. Üçüncüsünün də olduğunu deyirlər, amma hələ dəqiqləşdirməmişəm. Ona görə deyə bilmərəm” deyə o bildirmişdi.
Publika.Az-ın müxbiri ilə söhbətində isə sələfilərlə (xüsusilə də radikalları ilə) öz ofisində tez-tez görüşdüyünü, Suriyadakı hadisələr və digər məsələlərlə bağlı müzakirələr apardığını demişdi (bu mediada ilk dəfə açıqlanır - red).
Bu günlərdə virtualaz.org saytında yer alan məqalədə maraqlı bir
iddia irəli sürülür. Sayt belə yazır: “Yunusun öz ölkəsində
yerləşən təşkilatının ofisi bir çox Qərb ölkələrinin xüsusi xidmət
orqanları rezidentlərinin oylağına çevrilmişdi. Burada daha kimlər
yox idi ki?! Almaniya səfirliyinin əməkdaşı Jasper Vik,
amerikalılar Nikolas və Put Danilofflar, ABŞ səfirliyinin əməkdaşı
Devid Kreyk, Vaşinqtondan gələn emissar Maykl Oks, ispaniyalı Luis
Qarsiya...”.
Yuxarıda deyilənlərin bir-biri ilə əlaqəsi olması sual doğura
bilər. Əslində bunlar arasındakı rabitə bizdə də sual doğururdu.
Lakin Publika.az-a daxil olan bir məlumat müəyyən
versiyalar üzərində düşünməyə vadar etdi.
“Azərbaycanın Şimal bölgəsində olan xəvvaricilər (bunlar
sələfilərin radikal qanadıdır, Suriyadakı cihadı dəstəkləyirlər,
həmçinin Suriyaya gedən döyüşlərə qatılanlar da onlardır-red)
tez-tez Arif adlı bir şəxsdən danışırlar. O, Bakıdadır və dindarlar
onun ofisində tez-tez olurlar”.
Bu məlumat A. Yunusun dedikləri ilə uyğun gəlsə də, məlumatı
dəqiqləşdirməyənə qədər gözlədik. Məlumatı verən mənbə Arifin
soyadının öyrənmək üçün vaxt istədi. Və nəhayət soyad dəqiqləşdi.
Arif Seyfulla oğlu Yunusov.
Arif Seyfulla oğlu Yunusov: 1955-ci ildə Bakıda anadan olub. Sovet Bakısının kosmopolit mühitində böyüyən A. Yunusun dini baxışları daha çox ateizmə yaxındır, nəinki radikal dindarlığa. Özü də dindən uzaq adam olduğunu deyir. Bəs onun cihadı dəstəkləyən radikal dindarlarla hansı bağlantısı ola bilər?
Hər kəsə aydındır ki, bu gün Suriyada baş verən “cihad” xarici
kəşfiyyat tərəfindən “kənardan idarəolunan” prosesdir. Məhz buna
görə də 3 il öncə müxalifətlə iqtidarın müharibəsi olaraq başlayan
Suriya savaşı dini müstəviyə keçirildi və cihad adı altında
müharibənin gedişi də dəyişdi. Bununla bağlı bir çox versiyalar da
səsləndirilib. Misal üçün, ABŞ Milli Kəşfiyyat Agentliyinin
direktoru Ceyms Klepper bir müddət əvvəl iddia etdi ki, Suriyada
cihad edənlərə öz ölkələrinə qayıdıb döyüşmək üçün təlim keçilir.
Onlar geri qayıdacaq və öz torpaqlarında “Suriya savaşı”
başladacaq. Burda saytın iddiası ortaya çıxır. “Yunusun ofisində
bir çox xarici kəşfiyyat nümayəndələri olur”. Bura A. Yunusun özünü
dediyi sələfilərlə görüşün əlavə etsək, müəyyən bağlantının olduğu
ehtimalı yaranır. Ən böyük ehtimal isə Suriyaya gedən
azərbaycanlıların ora getməsində, yaxud da ən azı onların xarici
kəşfiyyatla əlaqəsi və müəyyən ideoloji silahlandırılmasına Yunusun
barmağının olmasıdır. Təbii ki, bu sadəcə ehtimaldır, amma bütün
yolların ora apardığı da faktdır.
Asif
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO