Nida.az
Silahlı qruplaşmalardan dövlətə qarşı istifadəyə görə cəzalar sərtləşdirilir
Bu gün Milli Məclisin Hüquq siyasəti və dövlət quruculuğu komitəsinin iclası keçirilib.
Milli Məclisin mətbuat xidmətindən Publika.Az-a verilən məlumata görə, komitənin sədri Əli Hüseynli gündəliyə doqquz məsələnin daxil edildiyini bildirib.
Öncə “Azərbaycan Respublikası ilə Avropa İttifaqı arasında
icazəsiz yaşayan şəxslərin readmissiyası haqqında” Sazişlə bağlı
məlumat dinlənilib. Müzakirə zamanı deputatlar Əlavələrlə birgə 25
maddədən ibarət olan həmin sənədin əhəmiyyətini yüksək
dəyərləndiriblər və Milli Məclisdə ratifikasiyasını vacib
sayıblar.
Komitədə “Azərbaycan Sərhəd Mühafizəsinin 95 illiyi (1919-2014)”
yubiley medalının təsisi ilə əlaqədar Əsasnamə müzakirə olunub.
Bununla bağlı müvafiq qanunvericiliyə dəyişikliyin edilməsi
məqsədəuyğun sayılıb.
Cinayət Məcəlləsinə təklif olunan dəyişikliklər isə şəxsiyyət, cəmiyyət və dövlət əleyhinə ağır cinayət törətmiş şəxslərə qarşı cəzaların sərtləşdirilməsi ilə əlaqədardır. Layihəyə əsasən, təcavüzkar müharibənin hazırlanması, başlanması və aparılması, soyqırımı, milli, dini və irqi ayrı-seçkilik, dövlətə xəyanət, casusluq, terrorçuluq, silahlı qiyam, təxribat, dövlət xadiminə və ya ictimai xadimə qarşı sui-qəsd, zorlama və digər ağır cinayət növləri üzrə cəzaların yuxarı həddi artırılacaq.
Məlumat verilib ki, məcəllənin 66.3 maddəsinə “cinayətlərin məcmusuna daxil olan cinayətlərdən birinə görə ömürlük azadlıqdan məhrum etmə və ya 20 il müddətinə azadlıqdan məhrum etmə növündə cəza təyin edildikdə az ciddi cəzanı daha ciddi cəza ilə əhatə etmək yolu ilə qəti cəza təyin edilir” məzmununda cümlə artırılır.
Gündəlikdəki digər məsələlərin şərhi zamanı məlumat verilib ki,
Cinayət Məcəlləsində və İnzibati Xətalar Məcəlləsində suyun
qeyri-qanuni istifadəsi ilə əlaqədar cərimələrin artırılması
nəzərdə tutulur.
Deputatlar qanunvericilik aktlarının uyğunlaşdırılması baxımından
“Azərbaycan Respublikasının Şəhərsalma və Tikinti Məcəlləsində
dəyişikliklər edilməsi haqqında” və “Əməliyyat-axtarış fəaliyyəti
haqqında” qanunda dəyişiklik edilməsi barədə qanun layihələrini də
məqbul sayıblar.
Ətraflı fikir mübadiləsində komitə sədrinin müavini Rövşən Rzayev, deputatlar Azay Quliyev, Çingiz Qənizadə, Rafael Cəbrayılov, Mübariz Qurbanlı rəy və təkliflərini bildiriblər. Müzakirəyə çıxarılmış qanun layihələrinin hamısı Milli Məclisin plenar iclasına tövsiyə olunub.
Asif
-
Region18:50
Rusiya XİN-dən İrəvana qulaqburma
-
Rəsmi xronika18:32
Rumen Radev İlham Əliyevə zəng etdi
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO