Nida.az
Oqtay Əsədov AŞPA sədrini tənqid etdi
“Demokratiya və qanunun aliliyi prinsipi ilə təşkilatımızı gücləndirə bilərik. Ona görə də AŞPA-nın Nazirlər Kabinetinə sədrlik edən ölkələr öz fəaliyyətlərində bu prinsipləri rəhbər tutmalı və islahatları gücləndirməlidir. Azərbaycanda toplaşma, ifadə azadlığı, məhkəmə müstəqilliyi sahəsində problemlər təcili həllini tapmalıdır”.
Publika.az xəbər verir ki, bu barədə Bakıda keçirilən Avropa Şurası Parlament Assambleyasının (AŞPA) Daimi Komitəsinin iclasında AŞPA sədri Anna Brassör deyib.
Onun sözlərinə görə, həbsdə olan İlqar Məmmədovla görüşməyə çalışacaq: “Etibarlı mənbələrdən aldığımız məlumata görə, jurnalistlər, bloggerlər təqiblərə məruz qalırlar. Bu da AŞ-yə üzv olan ölkələrdə narahatlıq doğurur. Dünən Prezident İlham Əliyevlə bu barədə danışmışam. İlqar Məmmədov və digər məhbus şəxsləri görmək istədim. Bu məsələni prezidentlə də müzakirə etdim. O, mənə bildirdi ki, yaxın zamanlarda onu görəcəm. Avropa Məhkəməsi İlqar Məmmədovla bağlı qərar çıxarıb. Hakimlər belə qərara gəliblər ki, onun azadlıqdan məhrum edilməsi barədə qərar ədalətsizdir. Ümid edirəm ki, bu, onun azadlığa buraxılmasına səbəb olacaq, hakimiyyət dairələri sadaladığım problemlərin həllinə çalışacaq”.
Azərbaycan parlamentinin spikeri Oqtay Əsədov isə AŞPA sədrinin çıxışına hücumla başladığını deyib, bundan narazılığını bildirib: “Azərbaycan korrupsiyaya qarşı ciddi mübarizə aparır. Ümidvaram ki, AŞPA Azərbaycanda gedən islahatları dəstəkləyəcək”.
O. Əsədov həmçinin qeyd edib ki, Azərbaycanın AŞ Nazilər
Komitəsinə sədrliyi dövründə Bakıda 18 tədbir keçiriləcək:
“Azərbaycan Avropa dəyərlərinə sadiqliyini real addımlarla sübut
edir. Zəruri islahatların aparılması üçün düşünülmüş tədbirlər
görür. Azərbaycan AŞPA qarşısındakı öhdəliklərə daim hörmətlə
yanaşıb”.
Spiker onu da vurğulayıb ki, AŞPA Ermənistanın təcavüzü,
Azərbaycanın ərazi bütövlüyü, qaçqın və köçkün problemlərinə xüsusi
diqqətlə yanaşmalıdır: “Ermənistan Dağlıq Qarabağ və ətraf 7 rayonu
işğal edib. ATƏT-in Minsk qrupunun fəaliyyəti 20 ildir nəticə
verməyib. Ancaq Ermənistana qarşı hər hansı sanksiya tətbiq
edilməyib. Buna görə də Ermənistan üzərindən işğal olunmuş
torpaqlarımıza gedən şəxslər “persona non-qrata” elan edilib. Rene
Rukeyə viza verilmədiyinə görə AŞPA Bürosu qərar verib ki, iki il
ərzində AŞPA-nın komitələrinin Bakıda iclası keçirilməsin. Bu qərar
hələ prosedur mərhələsindədir. Ümid edirəm ki, AŞPA Azərbaycanın
prinsipial mövqeyini anlayışla qarşılayacaq”.
Asif
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası