• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

T-90-ların alınmasına rəsmi münasibət

  • Nida.az
  • 26 May 2014 11:21
  • 418 Baxış
T-90-ların alınmasına rəsmi münasibət

Müdafiə Nazirliyi Azərbaycanın Rusiyadan 100 ədəd T-90S tanklarının alınması məsələsinə aydınlıq gətirib. Müdafiə Nazirliyinin mətbuat xidmətinin rəhbəri, polkovnik-leytenant Vaqif Dərgahlı Rusiya KİV-lərində bu ölkənin Azərbaycana 100 ədəd Т-90S (T-90C) tankının göndərilməsini başa çatdırması barədə yayılan xəbərə münasibət bildirib: "Silahlı Qüvvələrin müasir silah-sursat və texnika ilə təminatı Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin Silahlı Qüvvələrin maddi-texniki bazasının yaxşılaşdırılması haqqında müvafiq tapşırıqlarına əsasən mərhələlərlə icra olunur.

Silahlı Qüvvələrin hərtərəfli təminatı keyfiyyət, kəmiyyət və qiymət baxımından ən sərfəli və etibarlı tərəfdaşlarla həyata keçirilir. Bu, ordunun hərbi-texniki bazasının möhkəmləndirilməsi və sosial-məişət şəraitinin yaxşılaşdırılması baxımından ən yüksək tələblərə cavab verməsinə xidmət edir".

Qeyd edək ki, Rusiyanın İTAR-TASS agentliyi mayın 23-də Rusiya Federal Hərbi-Texniki Əməkdaşlıq Xidməti direktorunun müavini Konstantin Biryulinə istinadən məlumat yayıb ki, Rusiya Azərbaycana 100 ədəd Т-90S (T-90C) tankının göndərilməsini başa çatdırıb və Bakıya tankların bu həcmdə ikinci partiyasının göndərilməsi barədə opsion da mövcuddur. Lakin ikinci hissə üzrə hələlik müqavilə bağlanmayıb /Trend/.

Xəbər lenti

DAHA ÇOX XƏBƏR