• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Təxribatçılara qarşı cəzalar sərtləşdirilir

  • Nida.az
  • 27 May 2014 16:51
  • 268 Baxış
Təxribatçılara qarşı cəzalar sərtləşdirilir

Azərbaycanda mütəşəkkil formada törədilən təxribat hadisələrinə qarşı sanksiyalar sərtləşdirilir, cəza müddəti son həddə qədər artırılır.

Milli Məclisdən Publika.Az-a verilən məlumata görə, Azərbaycan Prezidenti tərəfindən bununla bağlı Cinayət Məcəlləsinin 282.2-ci maddəsinə (Təxribat) dəyişiklik təklif edilir.

Təklifə əsasən, Azərbaycan Respublikasının müdafiə qabiliyyətini və iqtisadi təhlükəsizliyini zəiflətmək məqsədilə müəssisələrin, qurğuların, yolların, əlaqə və rabitə vasitələrinin, əhalinin həyat təminatı obyektlərinin dağıdılmasına, yaxud zədələnməsinə yönəldilən partlayışlar, yanğınlar və sair hərəkətlər törətmə, həmçinin eyni məqsədlə kütləvi surətdə zəhərləmə və ya insanlar və heyvanlar arasında yoluxucu xəstəliklər yayma mütəşəkkil dəstə tərəfindən törədildikdə ən yüksək cəza olaraq 20 il həbs veriləcək.

Layihə Milli Məclisin plenar iclasına tövsiyə olunub və mayın 30-da müzakirəyə çıxarılacaq.


Asif

Xəbər lenti

DAHA ÇOX XƏBƏR