Con Kerridən Azərbaycana təbrik
Bizi izləyin

Nida.az

Con Kerridən Azərbaycana təbrik

ABŞ-ın dövlət katibi Con Kerri Azərbaycan Respublika Günü münasibətilə prezident İlham Əliyevi təbrik edib.


ANS PRESS-in məlumatına görə, ABŞ-ın dövlət katibi Respublika Günü münasibətilə Azərbaycan xalqını təbrik edib:


"28 May - Respublika Günü münasibətilə Azərbaycan xalqını və hökumətini Prezident Barak Obama və ABŞ xalqı adından təbrik edirəm.

Azərbaycan Respublikası və Amerika Birləşmiş Ştatları enerji daşıyıcılarının şaxələndirilməsi və regional təhlükəsizliyin təşviqi ilə bağlı öhdəliklərə sadiqdirlər. Biz Azərbaycana NATO-nun Əfqanıstanda sülhyaratma missiyasındakı tərəfdaşlığına görə xüsusi minnətdarlığımızı bildiririk.


ABŞ demokratik institutların möhkəmləndirilməsinə, açıq bazar iqtisadiyyatının təşviqinə və Dağlıq Qarabağ münaqişəsinin sülh yolu ilə həllinə nail olmaq üçün Azərbaycan ilə əməkdaşlığa sadiqdir.


Siz bu əlamətdar bayramı qeyd etdiyiniz bir vaxtda ABŞ əlaqələrimizin inkişafına və Azərbaycan xalqının daha parlaq gələcəyinə inamını bir daha bəyan edir".

Oxumağa davam et
Reklam
Reklam

Gündəm