Nida.az
DİQQƏT: hansı günlərdə şəhid veririk? – VİDEO
Mayın 27-dən 28-nə keçən cəbhədən daha bir qara xəbər gəldi. Azərbaycan ordusu iki şəhid verdi.
Erməni kəşfiyyat-diversiya qrupu cəbhənin Füzuli rayonu ərazisində müdafiənin ön xəttində yerləşən mövqelərimizdəki postlardan birinə növbəti dəfə basqın etməyə cəhd göstərib. Təxribatın qarşısı ordumuz tərəfindən alınıb, düşmən itki verərək geri çəkilib. Silahlı Qüvvələrimizin zabiti 1982-ci il təvəllüdlü, kapitan Məmmədov Fikrət Akif oğlu və 1991-ci il təvəllüdlü gizir Abilov Xudaverdi Fərhad oğlu şəhid olub, 1994-cü il təvəllüdlü əsgər Mirzəzadə Mehman Dadaşbala oğlu isə ağır yaralanıb. “Vətən sağ olsun”– bunu deməkdən başqa əlimizdən heç nə gəlmir.
Burada diqqətçəkən məqamsa erməni hərbi birləşmələrinin hücuma
keçdiyi tarixdir: 28 May–Respublika günü. Azərbaycan bir neçə gün
öncədən müstəqilliyin 96-cı ildönümünü qeyd etməyə hazırlaşır və...
cəbhədən şəhid xəbərini alır. Bu xalqın psixologiyasına təsir
etməkdir ki, ermənilərin də məqsədi bu idi. Ümumiyyətlə, Ermənistan
tərəfi ilboyu cəbhədə atəşkəsi pozsa da, təqvimin xüsusi günlərində
xeyli aktivləşir.
Publika.az həmin tarixləri təqdim edir:
26 fevral: Xocalının işğal günü
20 mart: Novruz bayramı
2 aprel: Kəlbəcərin işğal günü
24 aprel: qondarma “erməni soyqırımı” günü
8 may: Şuşanın işğal günü
18 may: Laçının işğal günü
28 may: Respublika günü
17 iyun: Ağdərənin işğal günü
23 iyul: Ağdamın işğal günü
23 avqust: Füzuli və Cəbrayıl rayonlarının işğal
günü/
31 avqust: Qubadlının işğal günü
29 oktyabr: Zəngilanın işğal günü.
2010-cu il 18 iyun tarixində bütün Ermənistanın yaşadığı qorxu
erməni təxribat tarixində daha bir təqvimi əlavə etdi. 18 iyun,
2010-cu il: Azərbaycanın Milli Qəhrəmanı, gizir Mübariz İbrahimov
18 iyun 2010-cu il tarixində gecə saat 23:30
radələrində təkbaşına iki ordu arasındakı bir kilometrlik
minalanmış sahəni keçir. Ermənistan Silahlı Qüvvələrinin çox sayda
əsgər və zabitini gözlənilməz birinci həmlədə məhv edir. Sonra isə
düşmənin öz silahlarını özünə qarşı istifadə edərək 5 saat onlarla
tək döyüşür. Düşməni ağır itkilərə məruz qoyur, onların zəif
cinahlarını üzə çıxarır. Azərbaycan döyüşçüsü səhər saatlarında
qeyri-bərabər döyüşdə qəhrəmancasına həlak olur. Bu, ermənilər üçün
“Azərbaycan əsgəri” xofunu yaratdı və məhz həmin tarixdən erməni
ordusu gecələri rahat yata bilmir. Məhz həmin tarixdən sonra erməni
ordusu 18 iyunda Azərbaycanın mövqelərini atəşə tutur.
2010-cu ildən sonra erməni təxribatına əlavə edilən tarixlərdən
biri də 31 avqustdur. Belə ki, 2004-cü ilin fevral ayının 19-da
NATO proqramları çərçivəsində Macarıstanda kurs keçən Azərbaycan
ordusunun zabiti Ramil Səfərov kursda iştirak edən erməni zabiti
Qurqen Markaryanın Azərbaycan bayrağını təhqir etməsinə cavab
olaraq onu öldürdü. Zabitimizə Budapeşt şəhər məhkəməsi ömürlük
həbs cəzası versə də, Azərbaycan tərəfinin apardığı güclü siyasət
nəticəsində 2012-ci il 31 avqust tarixində R.
Səfərov Azərbaycan ekstradisiya edildi və dövlət başçısı tərəfindən
əfv edildi.
Bu, Ermənistanın məğlubiyyəti idi. Bununla razılaşmayan ermənilər 31 avqust tarixində cəbhədə hücumlarını intensivləşdirirlər.
Erməni tərəfinin diversiya-təxribat addımları nə atəşkəs rejiminə, nə də beynəlxalq hüquqa uyğun deyil. Buna rəğmən, 20 ildir eyni proses yaşanır və ermənilərə dur deyən yoxdur.
Sabiq dövlət müşaviri, politoloq Qabil Hüseynli Publika.az-a açıqlamasında bildirib ki, bayram günləri, bizim üçün əlamətdar və əziz olan günlərdə ermənilərin diversiya-təxribat xarakterli davranışları iki məqsədə xidmət edir: “Birincisi, Azərbaycan cəmiyyətində mənfi əhvali-ruhiyyə yaratmaq, ikincisi isə, ordumuzun yüksələn döyüş ruhunu qırmaq istəyirlər. Ermənilər görür ki, Azərbaycan ordusu inkişaf edir, potensialı artır. Eyni zamanda, Qarabağ probleminin Azərbaycanın xeyrinə həlli perspektivləri görünməyə başlayır. Belə məqamlarda ya xarici havadarlarının, ya da daxildəki qüvvələrin təhriki ilə belə təxribatlara gedirlər”.
Asif Nərimanlı
-
Sosial11:55
Əli Əsədov qərar imzaladı
-
Sosial11:25
Ömrü yarıda, pulu havada qalanlar: Pensiya kapitalı varislərə qaytarıla bilər?
-
Hadisə11:10
Azərbaycanın əməkdar artisti vəfat etdi - FOTO
-
Müsahibə10:15
Diplomu 175 ölkədə tanınan azərbaycanlı: İki illik proses 40 gündə bitdi
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR