Nida.az
“Tapşırıqla gələnlərin meydanı daralır”– Sabir Rüstəmxanlı
Dünya Azərbaycanlıları Konqresinin (DAK) həmsədri, millət vəkili Sabir Rüstəmxanlı diaspor təşkilatlarına müraciət edib.
Publika.az-a daxil olan müraciətdə deyilir ki, DAK qurultay keçirməyə hazırlaşır.
“Dünya Azərbaycanlıları Konqresinin fəallarından və
başçılarından biri olaraq, eyni zamanda millətimizin bu təşkilata
bəslədiyi ümidləri nəzərə alaraq, sizlərə müraciət etməyi özümə
borc bilirəm. Bilirsiniz ki, biz DAK-ın növbəti qurultayına
hazırlaşırıq, lakin o da məlumdur ki, təkcə qurultay çağırmaqla iş
bitmir. Son illərin təcrübəsi göstərir ki, biz yüzlərlə adamın
iştirakı ilə ən yüksək səviyyədə qurultay keçirsək də, kənarda az
sayda insanların DAK adı ilə fəaliyyət göstərməsi qurumun işinə
mənfi təsir göstərir, onun nüfuzuna zərbə vurur. Son illərdə
dəfələrlə belə hallarla üzləşmişik. Bu bəyanatdan məqsəd heç də
həmin hadisələri yenidən təhlil etmək, kimin haqlı, kimin haqsız
olduğunu sübuta yetirmək deyil, günah var - yoxdur, bunu bir qırağa
qoyaraq fəaliyyət prinsiplərimizi müəyyənləşdirməkdir. Hər halda
DAK-ın quruculuğunda iştirak etmiş, onun formalaşmasında fəallıq
göstərmiş hər hansı şəxsin müəyyən səbəblər üzündən bu qurumdan
uzaqlaşması başa düşüləndir, ancaq onların öz doğma təşkillatlarını
bölərək alternativ qrup yaratmaq cəhdi anlaşılan deyil və DAK-ın
işinə ciddi zərbə vurur. Bu bəyanatla bir daha bildirmək istəyirəm
ki, DAK-ın sıralarından müəyyən adamların inciyib getməsində heç
vaxt iştirak etməmişəm və bunlar mənim, ədəbi yaradıcılığımdan
tutmuş siyasi fəaliyyətimə qədər, milli mübarizə və həyat
prinsipimə ziddir, mən ömrüm boyu milli birlik və həmrəylik
tərəfdarı olmuşam. DAK-ın bütövlüyü, monolitliyi mənim üçün orada
hər hansı vəzifə daşımaqdan daha mühüm məsələdir. Onu da başa
düşürəm ki, DAK-dan ayrılmaların, alternativ qurumlar yaratmağın
arxasında təkcə şəxsi maraqlar və xarakterlərdəki uyğunsuzluqlar
dayanmır, bu məsələdə marağı olan qüvvələr təşkilatımızı rahat
buraxmayacaq, hər yeni dönəmdə yeni problemlər yaradacaqlar. Buna
baxmayaraq, biz öz məsuliyyətimizi dərk etməliyik; Güney
Azərbaycanda gedən proseslər, Quzeydə müstəqilliyimizi təhdid edən
açıq və gizli qüvvələrin meydan sulaması bizim bir yerdə və güclü
olmağımızı zərurətə çevirir, bu, bir ictimai sifarişdir və tarixin
bizim üzərimizə qoyduğu son dərəcə ciddi vəzifədir. Əsl milli
qüvvələr bir araya gələndən sonra DAK-a tapşırıqla gələnlərin
meydanı daralır və onlar təşkilatda artıq adama çevrilirlər. Buna
görə də mən DAK-ın bütün köhnə üzvlərinə, hüquqi əsas oldu-olmadı
DAK adı ilə fəaliyyət göstərən alternativ qurumlara müraciətlə
onları real birlik yolunu axtarmağa dəvət edirəm. Əslində bizim
bölünəsi malımız yoxdur, narazılıqların çoxu xırda, şəxsi iddia və
yanlışlıqlardan, aldanışlardan başlanıb. Mən İsveçdə, Norveçdə,
Danimarkada, Hollandiyada, Fransada, Almaniyada, İngiltərədə,
Baltik respublikalarında, Rusiyada, Ukraynada, ABŞ-da, Kanadada
yaşayan və köhnə DAK-çıların hər birinin yaxşı tanıdığı
dostlarımıza üz tutaraq ən qısa müddətdə mənim bu birləşmək, bütün
milli-vətənpərvər qüvvələrimizi bir araya gətirmək istəyimə
münasibət bildirmələrini rica edirəm. Bu məsələləri nəzərə alıb
DAK-ın növbəti qurultayına bir yerdə getməliyik. Bunun üçün əlavə
müzakirələrə ehtiyac varsa, mən bu vəzifəni öz öhdəmə götürə
bilərəm. DAK öz sıralarında Güneylə Quzeyi birləşdirən bir
təşkilatdır və gələcək fəaliyyətimizi də bu prinsipə uyğun qurmalı
və son illərdə DAK-ı məhz bu birliyi pozmaq niyyətiylə parçalamaq
istəyənlərin bütün ümidlərini puç etməliyik. Bizim birliyimiz
DAK-ın indiyədək alışdığımız mübarizə üsullarına çağdaş dünya
təcrübəsinə uyğun yeni güc, yeni mübarizə imkanları qata bilər.
Vətənimizin taleyi bizdən səmimi birlik və bərabərlik, çağdaş dünya
düzəninə uyğun yorulmadan mübarizə aparmağı tələb edir”,– deyə
müraciətdə deyilir.
Asif
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO