• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Oqtay Əsədov ukraynalı həmkarı ilə görüşdü

  • Nida.az
  • 8 İyun 2014 01:43
  • 456 Baxış
Oqtay Əsədov ukraynalı həmkarı ilə görüşdü

Ukraynanın yeni prezidenti Pyotr Poroşenkonun andiçmə mərasiminə qatılmaq üçün Kiyevdə səfərdə olan Milli Məclisin sədri Oqtay Əsədov iyunun 7-də Ali Radanın spikeri Aleksandr Turçinov ilə görüşüb.

Görüşdə GUAM səviyyəsində dövlətlərarası münasibətlərin fəallaşdırılmasının müzakirə olunduğu barədə AzərTAc xəbər yayıb.

A.Turçinov Ali Radanın katibliyinə GUAM çərçivəsində görüşün hazırlanması barədə tapşırıq verdiyini vurğulayıb.

O.Əsədov isə Ukraynanın Azərbaycan üçün həmişə etibarlı tərəfdaş olduğunu vurğulayıb.

Görüşdə Azərbaycan Milli Məclisinin deputatı Çingiz Əsədullayev və ölkəmizin Ukraynadakı səfiri Eynulla Mədətli də iştirak edib.

Xatırladaq ki, Gürcüstan, Ukrayna, Azərbaycan və Moldovanın (GUAM) iqtisadi-siyasi münasibətlərinin inkişafı üçün nəzərdə tutulan bu qurum bir vaxtlar ən perspektivli və postsovet ölkələri üçün Qərbə inteqrasiyada ciddi təşkilat kimi qiymətləndirilsə də, son illər GUAM-ın fəaliyyəti nəzərəçarpacaq qədər aşağı düşüb. Vurğulayaq ki, GUAM Ermənistanın işğalçı olduğu və Azərbaycan ərazilərini işğal etdiyini rəsmi sənədlə qəbul edən beynəlxalq təşkilatlardan biridir.

Xəbər lenti

DAHA ÇOX XƏBƏR