Nida.az
Fransa mətbuatı ATƏT-in fəaliyyətini tənqid etdi
Fransanın gündəlik “Le Monde” qəzetlər qrupuna məxsus “Le Huffinqton Post” internet qəzetində Şərqi Avropa üzrə xüsusi müxbir Andrey Sorescunun Dağlıq Qarabağ münaqişəsindən bəhs edən məqaləsi yerləşdirilib.
Məqalənin əvvəlində bir müddət əvvəl Prezident Fransua Ollandın
Avropa və Asiyanın qovuşuğunda yerləşən, Cənubi Qafqazın lider
ölkəsi Azərbaycana səfər etdiyi, səfər zamanı Fransa ilə Azərbaycan
arasında ikitərəfli əməkdaşlığın inkişaf etdirilməsi və ticarət
münasibətləri ətrafında geniş fikir mübadiləsi aparıldığı, Avropa
İttifaqı-Azərbaycan əlaqələrinin genişlənməsi imkanlarının müzakirə
edildiyi xatırlanıb. Görüşdə, həmçinin on illərlə davam edən və
hələlik bir çıxış yolu tapılmayan Ermənistan-Azərbaycan, Dağlıq
Qarabağ münaqişəsinə də toxunulduğu bildirilib.
Yazıda ötən ay Çinin Şanxay şəhərində Asiyada Qarşılıqlı Fəaliyyət
və Etimad Tədbirləri üzrə Müşavirənin 4-cü Zirvə Toplantısında
iştirak edən ölkələrin Ermənistan-Azərbaycan, Dağlıq Qarabağ
münaqişəsi ilə əlaqədar yaranmış vəziyyətdən narahatlıqlarını ifadə
etmələri də diqqətə çatdırılıb.
Məqalədə Dağlıq Qarabağın Azərbaycanın əzəli ərazisi olduğu,
SSRİ-nin süqutundan bir neçə il əvvəl erməni millətçiləri
tərəfindən qızışdırılan bu bölgənin erməni əhalisinin onu
Azərbaycandan ayırmaqla işğalçılıq siyasəti yeridən Ermənistana
birləşdirmək kimi xəyala düşmələri, 1988-ci ildə Azərbaycandan
ayrılmaq haqqında referendum keçirmələri və bununla əlaqədar
Ermənistanın Azərbaycana qarşı ərazi iddiası ilə çıxış etdiyi və
nəticədə iki ölkə arasında münasibətlərin gərginləşdiyi və
münaqişəyə çevrildiyi qeyd edilib.
1994-cü ildə tərəflər arasında atəşkəs barədə razılıq əldə edildiyi
diqqətə çatdırılan məqalədə münaqişə nəticəsində minlərlə insanın
həlak olduğu, on minlərlə insanın yaralandığı, yüz minlərlə insanın
isə silah gücünə doğma yurdlarından çıxarılaraq qaçqın və məcburi
köçkün vəziyyətinə salındığı bildirilib.
Münaqişə zamanı azərbaycanlıların daha çox məhrumiyyətlərlə
qarşılaşdığı, 300 mindən artıq azərbaycanlının Ermənistandakı doğma
ata-baba yurdlarından qovulduqları, 750 mindən çox azərbaycanlının
isə erməni hərbi birləşmələri tərəfindən işğal olunmuş ərazilərdən
zorla çıxarıldığı vurğulanıb.
Məqalədə hərbi əməliyyatların dayandırılmasından 20 il keçdiyi
xatırlanıb, atəşkəs barədə razılıq əldə edilməsinə baxmayaraq,
istər hərbçilərin, istərsə də dinc sakinlərin yenə güllələrə tuş
gəldiyi və döyüşün davam etdiyi bildirilib.
Azərbaycanın Dağlıq Qarabağ bölgəsinin və ona bitişik yeddi
rayonunun, ümumilikdə isə ərazisinin 20 faizinin Ermənistan
tərəfindən işğal edildiyi diqqətə çatdırılan yazıda senator Natali
Qulenin “Mediapart” internet qəzetində yayılan məqaləsindəki
“Varlığı şübhə altında olan və özünü respublika kimi qələmə verməyə
cəhd edən qondarma Dağlıq Qarabağ respublikası Cənubi Qafqazın heç
bir ölkəsi, hətta Ermənistan, beynəlxalq ictimaiyyət, o cümlədən
Fransa tərəfindən tanınmamışdır” fikirlərinə istinad edilib.
Məqalədə Ermənistan-Azərbaycan, Dağlıq Qarabağ münaqişəsinin sülh
yolu ilə həlli üçün Minsk Qrupunun yaradıldığı, lakin bu qurumun
fəaliyyətinin hələlik bir nəticə vermədiyi, Şanxayda keçirilən
toplantıda həmin təşkilatdan fəaliyyətini gücləndirmək tələb
olunduğu diqqətə çatdırılıb.
Məqalədə Ermənistanın ona məxsus olmayan və beynəlxalq ictimaiyyət
tərəfindən Azərbaycanın əzəli ərazisi kimi qəbul edilən torpaqları
işğal etməsi faktının pislənildiyi xüsusi vurğulanıb.
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?