Nida.az
REAL partiyaya çevirmək qərarı verdi
Respublikaçı Alternativ Hərəkatı (REAL) bu gün mətbuat konfransı keçirib. Publika.Az xəbər verir ki, hərəkatın İdarə Heyətinin üzvü Natiq Cəfərli hərəkatın gələcək planları barədə məlumat verərək bildirib ki, hərəkatın prezident seçkilərindən sonra partiyaya çevriləcəyini əvvəlcədən bəyan etmişdilər.
Onun sözlərinə görə, REAL partiyaya çevrilməklə bağlı qərar qəbul edib: “Biz parlament tipli partiya qurmaq istəyirik. “Biz əvvəllər də bəyan etmişdik ki, hərəkat prezident seçkilərindən sonra partiyaya çevriləcək. Qurultay partiyanın ali orqanı olacaq və 60 nəfərdən ibarət Məclis seçiləcək. Partiyanın təşəbbüs qrupu elan olunandan sonra ilk iclas fevralda baş tutacaq. Qurultaya qədər təşkilat komitəsi bütün lazımi məsələləri həll edəcək. Ona qədər də REAL hərəkat olaraq fəaliyyətini davam etdirəcək”.
N. Cəfərli qeyd edib ki, partiya 2015-ci il parlament seçkilərinə qatılacaq və 125 dairə üzrə namizədini irəli sürəcək.Partiyanın ilkin adı Respublikaçı Alternativ Partiyasıdır. Lakin sonradan yeni adlar üzərində dayanmaq da istisna deyil.
REAL İdarə Heyətinin üzvü Erkin Qədirli isə proqram tezislərini
açıqlayıb. Onun sözlərinə görə, -proqram 4 hissədən ibarətdir:
“Birinci bölmə “Real Cümhuriyyət”, ikinci “Real güvən”, üçüncü,
“Real insan”, dördüncü bölmə isə “Real tərəqqi”dir. Parlament
seçkilərinə qatılacağıq və əgər qazansaq, qarşıdakı 5 il ərzində
ölkədə parlamentli respublikaya keçidi təmin edəcəyik. Prezidenti
parlament seçəcək, deputatlarıpn sayı 200-ə qədər olacaq ki,
bunların da 100ü proporsional, 100-ü isə majoritar formada
seçiləcək”.
E. Qədirli diqqət çəkən bir sıra məqamlardan da danışıb. Bildirib
ki, onlar hakimiyyətə gələcəkləri təqdirdə seçicilərin seçkiyə
gəlib səs verməsini məcburi edəcəklər: “Əks təqdirdə
cərimələnəcəklər. Müdafiə naziri mülki şəxs olacaq”.
E. Qədirli bir sıra görəcəkləri işlərdən də danışıb. O, parlament seçkilərinə hansı formada gedəcəklərini də açıqlayıb."Seçkidə heç bir partiya ilə blok olaraq iştirak etməyəcəklər. Ola bilsin ki, müəyyən dairələrdə güzəştlər edilsin. Hökumətlə də hər zaman dialoqa hazırıq. Lakin bu, “müəyyən yer ayırın” formasında olmayacaq”-deyə o vurğulayıb.
Konfransa hazırda həbsdə olan “REAL” sədri İlqar Məmmədov da
telefonla qoşulub. İlqar Məmmədov tədbir iştirakçıları salamlayaraq
hər kəsə tədbirə qatıldığına görə təşəkkür etdi. O, partiyanın
təsis qurultayına qatıla biləcəyinə ümidli olduğunu bildirib.
Asif
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO