Qarabağlı deputatdan ermənini qucaqlayan azərbaycanlı xanıma sərt sözlər
Bizi izləyin

Nida.az

Qarabağlı deputatdan ermənini qucaqlayan azərbaycanlı xanıma sərt sözlər

“Bir Azərbaycan xanımı erməni ilə qucaqlaşıb şəkil çəkdirməsi qəbul olunmaz bir şeydir”.

Bu barədə Milli Məclisin Qarabağdan olan deputatı Rövşən Rzayev Publika.az-a açıqlamasında azərbaycanlı hüquq müdafiəçisi Arzu Abdullayevanın Helsinki Vətəndaş Assambleyasının Dağlıq Qarabağ üzrə nümayəndələrindən biri, erməni Karen Ohancanyanla fotosuna münasibət bildirərkən deyib.

Deputat qeyd edib ki, bir erməninin Xocalıya görə bizdən üzr istəməsi hər şeyin həll olunması demək deyil: “Xocalıya görə bütün Ermənistan xalqı Azərbaycandan üzr istəməlidir. Digər tərəfdən, bu xanımın, eləcə də heç kimin ixtiyarı yoxdur ki, münaqişə həll olunmamış erməni ilə qucaqlaşıb şəkil çəkdirsin. Xüsusilə, bu, bir Azərbaycan xanımına yaraşan hərəkət deyil”.

Buna çox pis baxdığını deyən deputat əlavə edib ki, heç bir azərbaycanlı, eləcə də Azərbaycan xanımı bu addımı atmamalıdır.

Qeyd edək ki, sözügedən foto Tiflisdə çəkilib.

Asif

Oxumağa davam et
Reklam
Reklam

Gündəm