• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Rizvan Cəbiyev oğlunun müxalifətə keçməsindən danışdı

  • Nida.az
  • 25 Yanvar 2014 13:59
  • 3 423 Baxış
Rizvan Cəbiyev oğlunun müxalifətə keçməsindən danışdı

“91”lər hərəkatının üzvü, Milli Məclisin sabiq YAP-çı deputatı Rizvan Cəbiyev oğlu Anar Nağılbazın REAL hərəkatına qoşulmasına münasibət bildirib.

R. Cəbiyev Publika.Az –a açıqlamasında bildirib ki, o, oğlunun işinə qarışmır.“Onun hara qoşulmasını bilmirəm. Bundan xəbərsizəm. Özündən soruşun özü desin. Mən onun işlərinə ümumiyyətlə qarışmıram”-deyə R. Cəbiyev bildirib.R. Cəbiyev digər suallara cavab verməkdən imtina edib.

Qeyd edək ki, REAL hərəkatının dünən keçirilən konfransında R. Cəbiyevin oğlu Anar Nağılbazın ön sıralarda oturması diqqət çəkdi. Onun müxalifətə qoşulması ilə bağlı məlumatlar yayıldı.

A. Nağılbazın özü isə azvision.az saytına açıqlamasında buna aydınlıq gətirib. Bildirib ki, atasının adına xələ gətirəcək addımlar atmayıb, bundan sonra da belə addımlar atmayacaq. Lakin əlavə edib ki, cəmiyyətdə olduğu kimi ailədə də müxtəlif fikirli insanlar ola bilər, ümumi məqsəd isə eynidir, ailənin və cəmiyyətin inkişafı, möhkəmlənməsi üçün.

“Mən Rizvan Cəbiyevin imicinə xələl gətirəcək bir iş etmərəm. O ki qaldı sosial mövzulardakı ifalarıma, xatırlasanız 1994-95-ci illərdə belə ölkə başçısı və hakimiyyət nümayəndələri qarşısında mövcud olan problemlərdən oxuyub, mövqe göstərmişəm. Bu günə qədər də ona görə də hakimiyyət nümayəndələri tərəfindən ciddi qəbul olunmamışam. Rep musiqi növünü yararsız, ifaçılarını isə çox halda narkoman, yaramaz adlandırıb, bu işlərdən bizi soyudublar. Mənim indiyə qədər oxuduğum mahnıların nəticəsində bir çox məsələlər öz həllini tapıb. Mənim fikrim, məqsədim ölkəmə, ailəmə, cəmiyyətə lazımlı bir kəs olmaqdır”-deyə A. Nağılbaz vurğulayıb.

Asif

Xəbər lenti

DAHA ÇOX XƏBƏR