Nida.az
“Rusiya Avrasiya İttifaqının əvəzinə Azərbaycandan xərac istəyir”- Şok iddia
Sabiq dövlət müşaviri, politoloq Vəfa Quluzadənin Publika.az-a müsahibəsi
- Erməni mediası iddia edir ki, Lavrov Azərbaycana səfəri
zamanı rəsmi Bakıdan Ermənistanın Avrasiya İttifaqına daxil
olmasına maneə yaradan məktubunu geri götürməsini istəyib. Rəsmi
Bakının bununla razılaşdığı iddia olunur. Siz necə
düşünürsünüz?
- Bunları şayiələrdir. Məktub var, bunu geri götürmək mümkün deyil.
Rusiya da, Ermənistan da bəyan edib ki, İrəvan Avrasiya İttifaqında
BMT tərəfindən tanınmış sərhədlər çərçivəsində iştirak edəcək.
Bunun hamısını bizim üçün məqbul hesab etmirəm. Çünki faktiki
olaraq Ermənistan Dağlıq Qarabağı özünə birləşdirib. Avrasiya
İttifaqına daxil olanda da Dağlıq Qarabağla birgə gedəcək. Halbuki
Dağlıq Qarabağ azad olunmamış, yaxud statusu təyin olunmamış
Ermənistan heç bir ittifaqa qəbul edilə bilməz. Məsələnin məğzi
budur. İndi kim bunu hansı formada təqdim etmək istəyirsə, bu başqa
məsələdir.
- Yəni Ermənistan ittifaqa qəbul edilməyəcək?
- Niyə edilməsin ki. Məgər Ermənistan Qarabağı qanuni surətdə işğal
edib, yaxud Rusiya qanuni surətdə təcavüzkar dövlətlərlə hərbi
ittifaq bağlayıb?
Rusiya-Ermənistan əlaqələri qanunsuzluğa, Azərbaycanın ərazi
bütövlüyünün pozulmasına əsaslanır. Həmçinin bu, Azərbaycan
torpağında əlavə erməni dövləti yaratmağa hesablanmış əlaqələrdir.
Tarixdə hər şey ədalətli olmur, əksinə, ədalətsizliklər daha
çoxdur
- Rusiyanın Dağlıq Qarabağ məsələsində son vaxtlar
aktivləşməsini necə qiymətləndirirsiniz? Hansı ki, Vladimir Putin
Prezident İlham Əliyevlə bu məsələni telefonda müzakirə
etdi.
- Mən Rusiyanın bu məsələdə bizə kömək etməsinə inanmıram. Rusiya
ya Azərbaycanı Avrasiya İttifaqına qəbul etmək istəyir, ya da bunun
qarşılığında Azərbaycanda böyük məbləğdə xərac istəyir. Görüntü
yaratmaq üçün Azərbaycanla Ermənistanı dilə gətirib nəsə etmək kimi
addımlar atırlar. Amma vaxtilə də belə görüntü olmuşdu. Heydər
Əliyev Levon Ter-Petrosyanla Moskvada görüşdü və birgə bəyanat
verdilər ki, tezliklə münaqişə həll ediləcək. Bu Rusiyanın köməyi
ilə verilən bəyanat idi. Bəs nə oldu, o bəyanat hara getdi? Ortada
hələ də bir şey yoxdur.
- Yəni buna ümid etməyə dəyməz?
- Mən ümid etmirəm. Kim ümid edirsə, özü bilər.
- Bu addımın həm də ABŞ-ın prosesdən kənarlaşdırılması,
eləcə də regionda təsirlərinin azaldılması məqsədilə atıldığı da
deyilir.
- Bilirsiniz, hamı oyun oynayır. ABŞ Rusiyanın Avropaya təsirini
azaltmaq, Rusiya da ABŞ-ın Cənubi Qafqaza təsirini azaltmaq
istəyirlər. Bunların hamısı oyundur. Dünyada belə mübarizələr
həmişə olub, bundan sonra da olacaq.
Asif Nərimanlı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO