Suriyadakı azərbaycanlılardan Qamət Süleymanova şok ittiham
Bizi izləyin

Nida.az

Suriyadakı azərbaycanlılardan Qamət Süleymanova şok ittiham

Suriyada döyüşən azərbaycanlılar “Əbu-Bəkr” məscidinin imamı, Azərbaycan sələfilərin lideri Qamət Süleymanova şok ittiham irəli sürüblər.

Publika.az mücahidlərin saytına istinadən xəbər verir ki, Suriyadakı azərbaycanlı mücahidlər Q. Süleymanovun onlar haqda yalan ictimai rəy formalaşdırmağa çalışdığını iddia edir.

“Qamət Süleymanova bağlı selefxəbər.az saytında “Suriya terroristləri indi də Türkiyədə” başlığı ilə yayılan xəbər bizə qarşı təxribatdır. Xəbərdə Türkiyənin Şanlıurfa bölgəsində içində bomba olan bir maşın saxlanılmasına istinad edərək iddia edilir ki, guya Suriyada döyüşənlərin hədəfi Türkiyədir. Bu yalan və uydurma bir xəbərdir. Əslində, həmin maşının Əsədə bağlı kəşfiyyata aid olduğu deyilir. Bu günə qədər də Əsədin Türkiyəyə qarşı addımları bəllidir. Amma bunu bilə-bilə “molla hacı” Qamət Allahın dini uğrunda mübarizə bizlərə qarşı kampaniya aparır”,– deyə yayılan xəbərdə deyilir.

Daha sonra iddia edilir ki, Q. Süleymanov nə Azərbaycan, nə də İslam dininə deyil, Səudiyyə Ərəbistanına işləyir və məqsədi bu ölkənin maraqlarını yerinə yetirməkdir.

Qeyd edək ki, Suriyada döyüşən mücahidlər bundan əvvəl də Q. Süleymanov haqda bu tip xəbərlər yaymışdı.

Asif

Oxumağa davam et
Reklam
Reklam

Gündəm