Ermənilərdən Gürcüstana 7 ŞOK TƏLƏB

Gürcüstanın Samsxe-Cavaxetiya və Kvemo-Kartli bölgələrində yaşayan ermənilər rəsmi Tiflisin Avropa Birliyi ilə Assosiasiya haqqında razılaşmasını dəstəklədiklərini bəyan ediblər. Lakin ermənilərin bununla bağlı şərtləri də var.

Publika.az gürcü mediasına istinadən xəbər verir ki, Samsxe-Cavaxetiya və Kvemo- Kartli erməni təşkilatlarının məsləhət şurası bəyan edir ki, onlar bunu dəstəkləyirlər: “Avropa prinsipləri Gürcüstanın erməni əhalisi üçün münasibdir. Bizim əhalimiz öz gələcəyini Avropa ailəsində görür, hansı ki burda heç bir diskriminasiya olmayacaq. Biz ümid edirik ki, Avropa yolunu seçmiş Gürcüstan tələblərimizi nəzərə alacaq. Bu tələblər Avropa prinsiplərinə və Gürcüstanın maraqlarına əsaslanır”.

Ermənilərin prinsipləri bunlardır:

1. Erməni dilinə regional statusun verilməsi.

2. Ermənilərin çoxluq təşkil etdiyi şəhərlərə özünüidarəetmə hüququnun verilməsi.

3. Ermənilərə aid ictimai təşkilatlar, dinlər, mədəni azadlıqlar və təhsil müəssisələrinə qarşı aparılan siyasətin dayandırılması.

4. Qeyri-leqal yoxlamaların və güc strukturlarının müdaxiləsinin dayandırılması.

5. Mübahisəli hesab edilən kilsələrin qaytarılması.

6. Erməni-gürcü universitetinin yaradılması.

7. Yaşadığımız bölgədə etnik tərkibin süni şəkildə dəyişdirilməsinin dayandırılması.

Asif