• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

YAP-dan Eldar Namazovun istefasına MÜNASİBƏT

  • Nida.az
  • 27 Yanvar 2014 13:19
  • 502 Baxış
YAP-dan Eldar Namazovun istefasına MÜNASİBƏT

Milli Məclisin Aqrar Siyasət Komitəsinin sədri, hakim Yeni Azərbaycan Partiyasının (YAP) Siyasi Şurasının üzvü Eldar İbrahimov "El" hərəkatının sədri Eldar Namazovun Milli Şuradan getməsinə münasibət bildirib.

YAP-çı deputat E.İbrahimov Publika.Az-a açıqlamasında deyib: “Artıq Milli Şuranın iflasa uğraması göz qabağındadır. Əgər Milli Şuranı yaradanlardan biri olan Eldar Naqmazov da bu qurumdan gedirsə, bu onu göstərir ki, artıq Milli Şura tam iflasa uğrayıb. Ümumiyyətlə, Azərbaycan xalqının bu quruma ehtiyacı olmayıb, Milli Şura bu millətə lazım deyil. Artıq bu qurumda təmsil olunanlar da Milli Şuranı əllərində saxlaya bilmirlər. Milli Şura millət üçün heçnə etmədi. Milli Şuranın yeganə xidməti ara qarışdırmaq və hay-küy salmaq oldu. Milli Şurada təmsil olunan şəxslər öz aralarında belə yola gedə bilmir. İndi bunlar nəyin davasını edirlər? Bunların necə doğru və xalqa nümunə fəaliyyəti ola bilər? Təbii ki, Milli Şura iflasa uğramalı idi. İndi Milli Şura iflasa uğrayıb, onlara inan və arxasınca gedən adam yoxdur. Milli Şuranın axırına bu qurumu yaradan şəxslər özləri çıxdılar”.

Xatırladaq ki, “EL” hərəkatının rəhbəri Eldar Namazov qurumdan istefa verib.

Vasif

Xəbər lenti

DAHA ÇOX XƏBƏR