• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Dağlıq Qarabağdan seçilmiş deputat İlham Əliyevin işini təqdir etdi

  • Nida.az
  • 11 İyul 2014 18:40
  • 661 Baxış
Dağlıq Qarabağdan seçilmiş deputat  İlham Əliyevin işini təqdir etdi

Milli Məclisin 24 saylı Şuşa-Füzuli-Xocalı-Xocavənd seçki dairəsindən seçilmiş deputat Elman Məmmədov Prezident İlham Əliyevin keçirdiyi son müşavirədə məcburi köçkünlərin problemlərinin həlli ilə bağlı söylədiyi fikirləri təqdir edib.

Deputat E.Məmmədov Publika.az-a açıqlamasında bildirib ki, İlham Əliyevin prezidentliyi dövründə məcburi köçkünlərin bütün problemlərinin həlli ən önəmli məsələ kimi diqqətdə saxlanılıb.

E. Məmmədov deyib: “Prezident İlham Əliyev öz yubileyini belə məcburi köçkünlərlə bir yerdə qeyd etmişdi. Bu, bir daha Cənab Prezidentin məcburi köçkünlərə olan böyük diqqət və qayğısından xəbər verir. Onun prezidentliyi dövründə özünün də söz verdiyi kimi, 1 nəfər belə olsa çadır şəhərciyində yaşayan adam qalmayıb. Bütün qaçqın və məcburi köçkünlər evlərdə yerləşdirilib. Hazırda da Bakı və ətraf rayonlarda məcburi köçkünlər üçün müasir mənzillər tikilir. Yəni, 15-20 mindən çox məcburi köçkünün həmin mənzillərə köçürülməsi gözlənilir. İndiyədək Cənab Prezident nə deyibsə, onu da yerinə yetirib. Prezidentimiz hər dəfə çox gözəl vurğulayır ki, bizim siyasətimiz bizim işimizdir. Yəni, Cənab Prezident gördüyü işlə Azərbaycanın daxili və xarici siyasətini müəyyən edir”.

Vasif Həsənli

Xəbər lenti

DAHA ÇOX XƏBƏR