Nida.az
Azərbaycanda beynəlxalq casus şəbəkələri - Şok Araşdırma
“Bir sıra postsovet ölkələrində baş verən inqilablar, misal üçün Ukrayna, Gürcüstan, Qırğızıstandakı proseslər beynəlxalq QHT-lər tərəfindən reallaşdırılıb”.
Bu sözləri Avropanın demokratik ölkəsi, “inqilab yuvası”
Fransadan olan tədqiqatçı Mark Antuan Pöruz dö Monklon deyir.
Yenə “İnqilab yuvası”nda fəaliyyət göstərən Kəşfiyyat Məsələləri
üzrə Fransız Tədqiqat Mərkəzinin direktoru Erik Dönese beynəlxalq
QHT-ləri belə xarakterizə edir: “Ərəb inqilabları”nda bu
QHT-lərin aparıcı güc rolunu oynadıqlarını deyir. Onun fikrincə,
2007-2008-ci ildən başlayaraq, beynəlxalq adlandırılan, əslində
isə, amerikan mənşəli belə təşkilatlar ərəb ölkələrindəki
bloqerlərə, hərəkat liderlərinə konfranslar, treninqlər təşkil
edərək inqilaba hazırlıq işləri görürdülər”.
Bu, Avropalıların özləri haqda ən nadir etiraflarındandır.
USAID-in Azərbaycan mediasını inkişaf etdirmək istəyi ilə qrant
müsabiqəsini səssizcə keçirməsi beynəlxalq QHT-lərin profilini
yenidən gündəmə gətirdi.
Publika.az QHT adı altında Azərbaycanda fəaliyyət göstərən
beynəlxalq casus şəbəkələri haqda araşdırma aparıb.
Beynəlxalq QHT-lərin ilk nümunəsi 1863-cü ildə təsis edilən
Beynəlxalq Qırmızı Xaç Komitəsi hesab olunur. Beynəlxalq QHT-lər
beynəlxalq hüquqa BMT-nin yaranmasından sonra daxil edildi. Ardınca
BMT Xartiyasının 10-cu bölməsinin 71-ci maddəsi həmin QHT-lərə
məsləhətçi statusu verdi və onların beynəlxalq fəaliyyətinə hüquqi
zəmin yaratdı. Daha sonra BMT-nin ixtisaslaşmış orqanlarından olan
ECOSOC-un 288(X) nömrəli qətnaməsində “beynəlxalq müqavilə ilə
yaradılmayan bütün təşkilatları” beynəlxalq QHT sırasına daxil
edilir.
Beynəlxalq QHT-lər müxtəlif istiqamətlər üzrə, sosial layihələrin
həyata keçirilməsindən ekologiyaya qədər, müharibə zamanı əsirlərin
dəyişdirilməsi, mülki şəxslərin müdafiəsi və digər sahələrdə
fəaliyyət göstərir. Hazırda ECOSOC tərəfindən məsləhətçi statusu
almış beynəlxalq QHT-lərin sayı 3536-dan artıqdır.
Nəzəri baxımından bu QHT-lər dövlətlərin və dövlətlərarası
təşkilatların fövqündə dayanır. Belə təşkilatlar xüsusilə 1990-cı
illərdən sonra, yeni müstəqil dövlətlərin yaranması ərəfələrində
meydana çıxıb. Əsas fəaliyyət istiqamətləri də ikinci dərəcəli,
yəni yenicə müstəqilliyini qazanmış dövlətlərə humanitar
yardımların edilməsi, demokratiyanın təbliği və bu kimi məsələlərlə
bağlı idi. Maraqlıdır ki, beynəlxalq QHT-lər deyəndə ilkin
təəssürat onların sanki dünyanın xilaskarı missiyasının
daşıyıcıları olması ilə bağlı olur. Bu missiyanın özəyində də
bəşəri dəyərlər dayanır. Amma bu, hər zamanmı belə olur?
Mövcud dünyada beynəlxalq hüquq və diplomatiya heç bir dövlətin
başqa bir dövlətə müdaxiləsində icazə vermir. Amma dünya gücləri və
ya fövqəltəbii təsir bağışlayan qüvvələr kiçik dövlətlər üzərində
nəzarət funksiyasını həyata keçirmək istədikdə sanki “qaydalar
pozmaq üçündür” prinsipi işə düşür. Bu müdaxilələr siyasi və
iqtisadi rıçaqlar, yaxud beynəlxalq sanksiyalarla həyata keçirilir.
Buna paralel vasitələrdən biri isə məhz beynəlxalq QHT-lərdir.
Çünki adı üstündə olan bu təşkilatların heç bir dövlətə
bağlılığının olmaması və fəaliyyət rakursunun fərqli olması ilə
bağlı yetərincə rəy formalaşdırılıb. Belə bir rəy isə bu
təşkilatların siyasi mahiyyətinin pərdələnməsinə kömək edir.
Maraqlıdır ki, bu təşkilatların maliyələşməsinə nə üçün milyonlarla
dollar xərclənir. Hətta dünyadakı maliyyə böhranının belə bu
təşkilatlara ayrılan yardımlara ciddi təsir etmədiyi deyilir.
Araşdırmalar göstərir ki, burda əsas məqsəd bu təşkilatlar
vasitəsilə hökumətlərə təzyiq etmək, “prinsiplərə” əməl etməyən
ölkələr haqqında “demokratik böhran” rəyi formalaşdırmaq, həmçinin
təmsil etdikləri hökumətlərin digər ölkələrlə açıq deyə bilmədiyi
hansısa məsələdə hücuma keçməkdir.
Məqsədlər sırasında xüsusi yer tutan məqamsa bu təşkilatlar
vasitəsilə kiçik ölkələrdəki əhalinin “təşkilatlandırılmasıdır”.
Bununla da lazımi məqamlarda, yəni maraqların toqquşduğu zaman,
daxildən “ictimai partlayış” baş verir ki, bunda məhz bu QHT-lərin
rolu xüsusi yer tutur. 90-cı illərin sonlarından başlayan
proseslərdə buna kifayət qədər misal çəkmək olar. Belə
təşkilatlarla bağlı siyahıı uzatmaq mümkündür.
Lakin təkcə Azərbaycanda fəaliyyət göstərən bu təşkilatların
fəaliyyəti prosesə müəyyən açıqlıq gətirir. Onların siyahısında ən
məşhurları bunlardır: Milli Demokratiya İnstitutu, Alman Marşal
Fondu, Beynəlxalq İnkişaf Agentliyi, Demokratiyaya Dəstək Fondu,
Açıq Cəmiyyət İnstitutu-Yardım Fondu, Demokratiyanı Milli Himayə
Fondu (NED).
Milli Demokratiya İnstitutu: 2013-ci ilin
martında baharla birgə gələn “facebook inqilabı” layihəsinə 3
milyonluq “Corc Vaşintqon” ayırdığı haqda xəbərlərlə gündəmə gəldi.
Bu institutun əsas fondu hesab olunan NED-in müxalifyönümlü “Milli
və Beynəlxalq Araşdırmalar Mərkəzi”nə 139 min manat qrant ayırdığı
deyilir. NED-in “qardaşı” hesab olunan EED (European Endowment for
Democracy) isə təkcə bu il 13 min manatı gənclərin fəallaşdırılması
istiqamətində layihələrə ayırıb. Eyni istiqamət üzrə bundan əvvəl
50 min manat maliyyə ayrılmışdı.
Hakimiyyətin qatı əleyhdarı olan “Meydan TV” bu təşkilatdan 300 min
qrant almağı bacarmışdı.
Alman Marşal Fondu: Bu fondun adı Con Colemanın
müəllifi olduğu “300 Komitet- Dünya hökumətinin sirləri” kitabında
keçir. hansı ki, bu kitabda dünyanın inqilablarla necə idarə
olunmasından bəhs edilir. Marşal fondunun Azərbaycandakı fəaliyyəti
haqda informasiya qıt olsa da, fondun müxalifyönlü QHT-ləri
mükafatlandırdığı bəllidir.
Açıq Cəmiyyət İnstitutu-Yardım Fondu: (SOROS): Bu
ad rəhbəri olduğu Corc Sorosun adı ilə bağlıdır. Məşhur inqilabçı
Soros. Soros Azərbaycanda vətəndaş cəmiyyətinin inkişafı adı
altında hakimiyyət əleyhinə 20 milyonundan keçib. Fondun etimad
göstərdiyi şəxslər və təşkilatlar müxalifət partiya üzvlərinin
yaratdığı QHT-lərdir. Fond tərəfindən son 10 ildə müxalifət partiya
üzvlərinə 14 milyon dollar vəsait ayırıb.
Bu təşkilatlar sırasına Beynəlxalq İnkişaf Agentliyi, Demokratiyaya
Dəstək Fondu, eləcə də digərləri daxildir. Ümumi olaraq isə Qərb
fondları Azərbaycandakı QHT-lərə son 12 ilin statistikasına görə 43
milyon dollar vəsait ayırıb.
Bu vəsaitlərin ayrıldığı təşkilatlar və şəxslərin təsnifatı da
olduqca maraqlıdır. Bir sıra adların bəlli olmasına baxmayaraq,
ikisinin adını açıqlamaqla ümumi mənzərəni əks etdirməyin
mümkünlüyünü düşünürük.
RATİ və Leyla Yunusun rəhbərlik etdiyi təşkilat, yaxud təşkilatlar.
Bu iki təşkilat Qərbin ən çox sevdikləridir. Belə ki, RATİ Alman
Marşal Fondu, Demokratiyaya Milli Dəstək Fondu, Beynəlxalq İfadə
Azadlığı Təşkilatı, Beynəlxalq Media Müdafiə Təşkilatı və “Her
Majesty the Queen in Right of Canada” təşkilatı tərəfindən
dəfələrlə mükafatlandırılıb. Məsələn, ABŞ Alman Marşal Fondu
təşkilatın bir, Demokratiyaya Milli Dəstək Fondu beş, Beynəlxalq
İfadə Azadlığı Təşkilatı iki, Beynəlxalq Media Müdafiə Təşkilatı
yeddi, Beynəlxalq Tədqiqatlar və Mübadilə Şurası beş layihəsini
maliyyələşdirib. Bu təşkilata ümumilikdə altı xarici donor
tərəfindən 21 layihə üzrə vəsait ayrılıb. RATİ-nin 3 il ərzində
Ədliyyə Nazirliyində qeydiyyatdan keçmiş layihələrinə ümumilikdə 1
milyon 41 min manat vəsait yönəldilib.
Leyla Yunusun rəhbərlik etdiyi “Azərbaycan Qadınları Qafqazda Sülh
və Demokratiya Uğrunda Cəmiyyəti” təşkilatı da ən çox diqqətlərə
düşən QHT-dir. Bu təşkilat qısa müddət ərzində beynəlxalq donor
təşkilatlarından 357 min manat miqdarında qrant alıb. Ona da
maliyyə vəsaitini əsasən ABŞ-ın Demokratiyanı Milli Himayə Fondu,
German Marşal Fondu, Ədalət və Təhsil Fondu, “Fredoom House”
təşkilatı, Avstriya Knyazlığının Açıq Cəmiyyət İnstitutu,
Almaniyanın “Helfen journalisten” təşkilatı, BMT İnkişaf Proqramı,
Böyük Britaniyanın və İsveçrənin Azərbaycandakı səfirlikləri
ayırıb.
Ən maraqlı detal isə maliyyələşdirilən layihələrin spesifik
sahələrə aid olmasıdır. Misal üçün, Xəzərdə suitilərin qorunması
üçün Qərb təşkilatları kisələrinin ağzını açır. Eləcə də, şəhərin
küçələrindən politelin butulkaların toplanması kimi maraqlı
layihələrə yetərincə maliyyə yarıdımı ayrılır.
lakin bütün bu adlar altında inqilabi şəbəkələrin yetişdirilməsi, təşkilatlandırılması və kənardan idarəolunan qüvvələrin yaradılmasına xidmət edir. Bunu təkcə biz yox, Qərbin öz mütəxəssisləri də etiraf edir. Fransalı kəşfiyyatçı kimi: “Onlar inqilaba hazırlıq işini gördülər”.
Asif Nərimanlı
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!