• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Milli Şurada yenidən qalmaqal başladı: “KXCP bəhanə axtarır”

  • Nida.az
  • 25 İyul 2014 18:39
  • 416 Baxış
Milli Şurada yenidən qalmaqal başladı: “KXCP bəhanə axtarır”

“KXCP-nin dedikləri ilə etdikləri arasında böyük fərq var”.

Bu barədə Milli Şura Koordinasiya Mərkəzinin üzvü Vidadi Mirkamal Publika.az-a açıqlamasında qurumun sessiyasının KXCP qərargahında keçirilməməsinə münasibət bildirərkən deyib.

Onun sözlərinə görə, KXCP Milli Şuraya qarşı çıxış edir: “Sonuncu sessiyada Mirmahmud Mirəlioğlu başda olmaqla KXCP üzvləri ayağa durub dedilər ki, bəs, biz Milli Şuranı tərk edirik. Əslində burda görünməyən məsələlər var. Hesab edirik ki, onların bəhanəsiz, heç nədən Milli Şuranı tərk etmək istədikləri haqda hərəkətləri təsadüfi deyil. Ehtimal edirik ki, sessiyanı yenidən orada keçirsək, əvvəlki hərəkətlər yenidən təkrar olunacaq. Onların dediyi başqa, hərəkətləri isə bir başqadır. Biz siyasətdə kifayət qədər bişmiş adamlarıq və qarşını görə bilirik. KXCP-nin sonuncu sessiyada əsas olmadan durub Milli Şuranı tərk etmək haqda bəyanat səsləndirməsi, kimlərinsə Milli Şura üzvü olmaq istəməsinə qarşı çıxması bəhanə idi. Bu bəhanənin nə hüquqi, nə faktiki, nə də siyasi əsası yox idi”.

V. Mirkamal qeyd edib ki, KXCP sədri Koordinasiya Mərkəzinin iclaslarında iştirak etmir.

“Güman edirik ki, KXCP-nin qərargahına toplaşıb sessiya keçirsək, yəqin ki, bu partiya daha Milli Şuranın tərkibində olmayacaq. Biz onları başa düşürük. Onların təzədən bəyanat verərək, “gəlin Milli Şuranın sessiyasını bizim qərargahda keçirin” deməsi, səmimi deyil”, - deyə o bildirib.

Asif

Xəbər lenti

DAHA ÇOX XƏBƏR