• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Vəfa Quluzadə - “Yeddi rayon Azərbaycana qaytarılır, amma bir şərtlə ki...”

  • Nida.az
  • 8 Avqust 2014 15:29
  • 38 584 Baxış
Vəfa Quluzadə - “Yeddi rayon Azərbaycana qaytarılır, amma bir şərtlə ki...”

“Putinin Soçidə prezidentlərlə ayrı-ayrılıqda keçirəcəyi görüşlər sirli olacaq. Daha sonra birgə görüş keçiriləcək. Bu cür sirli görüşlərdə format, adətən, belə olur”.

Publika.az-a açıqlamasında bu szöləri sabiq dövlət müşaviri, politoloq Vəfa Quluzadə deyib.

Politoloqun sözlərinə görə, Rusiya prezidenti Vladimir Putinin erməni həmkarı Serj Sərkisyanla görüşü formal xarakter daşıyacaq: “Çünki Putinin dediklərini Sərkisyan şərtsiz yerinə yetirəcək. Putinin əsas görüşü Azərbaycan prezidenti ilə olacaq. Putin İlham Əliyevi dilə tutmağa çalışacaq. Lakin inanmıram ki, İlham Əliyev Azərbaycanın maraqlarından geri çəkilsin”.

Prezidentlərin Soçi görüşündə ATƏT-in Minsk Qrupunun həmsədrlərinin iştirak etməyəcəyinə gəlincə, sabiq dövlət müşaviri bunun Rusiyanın planı olduğunu dilə gətirib: “Rusiya Qərbin Qarabağ məsələsini gündəminə daxil etməsi və münaqişə ilə aktiv məşğul olmasından çox narahatdır. Rusiya istəmir ki, Fransa, yaxud da ABŞ prezidentləri bir araya gətirib Qarabağ problemini həll etsin. Rusiya istəyir ki, həll yalnız “Rusiya həlli” olsun. Rusiyanın həlli isə belədir: Ermənistanla Azərbaycan Gömrük İttifaqına daxil olur, bununla Azərbaycan öz müstəqilliyini itirir. Bundan sonra Rusiyanın Qarabağla bağlı söylədikləri baş verir. Misal üçün, Rusiya deyə bilər ki, Qarabağ ətrafındakı 7 rayon Azərbaycana qaytarılır. Amma bir şərtlə ki, ora Rusiya sülhməramlıları yerləşdirilsin. Rusiya təklif edə bilər ki, Azərbaycan Gömrük İttifaqına daxil olsun, atəşkəs xəttində Rusiya qoşunları yerləşdirilsin və tərəflər bir-birinə atəş açmasın. Lakin bütün variantlar bizə yaramır”.

V. Quluzadə hesab edir ki, Soçi görüşündə heç bir şey Rusiyanın xeyrinə baş verməyəcək.
“Qarabağ münaqişəsinin ədalətli həllinə də Rusiya imkan yaratmayacaq. Müharibə ehtimalı olacaqsa, Azərbaycan ordusu buna tam hazırdır. Yəni, bununla bizi qorxuda bilməzlər”,- deyə politoloq qeyd edib.


Asif Nərimanlı

Xəbər lenti

DAHA ÇOX XƏBƏR