Nida.az
“Ermənistanı çətin qış gözləyir”- İrəvan təlaş içindədir
Qərbin Rusiyaya qarşı sanksiyaları Ermənistan iqtisadiyyatını çökdürə bilər. Ermənistanda fəaliyyət göstərən Rusiya şirkətləri də Qərbin sanksiyalarına məruz qalıb.
Xüsusilə erməni bazarında inhisarçı şirkətlər kimi tanınan “Qazprom” və “Rosneft” şirkətləri, eləcə də “VTB” bankı hədəfə alınıb. Rusiya isə sanksiyaların ölkə iqtisadiyyatına təsir etməyəcəyini bildirir.
Publika.az-ın erməni mətbuatına istinadən verdiyi xəbərə görə, nüfuzlu iqtisadçı, Ermənistanın keçmiş baş naziri Qrant Baqratyan fərqli düşünür.
O, sanksiyaların Rusiya şirkətləri və bankları tamamilə ağuşuna aldığını qeyd edib. Keçmiş baş nazir hesab edir ki, Rusiyaya qarşı sanksiyaların mənfi təsiri yaxın illərdə Ermənistan iqtisadiyyatında da hiss olunmağa başlayacaq: “Rusiyanın iqtisadi çöküşü Qərbin sanksiyaları ilə daha da sürətlənəcək. Bu isə Ermənistanda fəaliyyət göstərən Rusiya şirkətlərinə təsir edəcək və Ermənistan iqtisadiyyatı bundan zərər çəkəcək. Ən ciddi zərbə isə rus banklarının Ermənistana kredit verməyini dayandırması ilə müşahidə oluna bilər”.
Müxalifətçi "İrs” partiyasının təmsilçisi, politoloq Stepan
Safaryan ABŞ-ın Ermənistandakı səfirinin İrəvana xəbərdarlığını
xatırladıb. Səfir bildirmişdi ki, Ermənistandakı rus şirkətləri
sanksiyalara məruz qalsa, bundan Ermənistan da əziyyət
çəkəcək.
“İllər boyu Ermənistanda ağıllı insanlar iqtisadiyyatı
difersifikasiya etməyə çağırsa da, bu baş vermədi. Əksinə,
Ermənistanın Rusiyadan asılılığını daha da artdı. Buna görə də belə
vəziyyətdə manevr etmək imkanı olduqca çətindir. Ermənistanı çətin
illər gözləyir. Çünki Rusiyanın Ermənistanda 1300-dən çox şirkəti
var və bunların əksəriyyəti sanksiyalara məruz qalacaq. Nəticədə
Ermənistan iqtisadiyyatı zərər görəcək”, - deyə erməni politoloq
qeyd edib.
S. Safaryan hesab edir ki, Ermənistanı çətin payız və qış gözləyir.
Asif Nərimanlı
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı