• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Britaniyalı millət vəkili kəlbəcərli girovlardan narahatdır

  • Nida.az
  • 13 Avqust 2014 10:04
  • 361 Baxış
Britaniyalı millət vəkili kəlbəcərli girovlardan narahatdır

Erməni separatçılarının girovluğunda olan 2 azərbaycanlı britaniyalı millət vəkilinin narahatlığına səbəb olub.

Azərbaycan-Böyük Britaniya parlamentlərarası dostluq qrupunun sədri Kristofer Pinçer Böyük Britaniyanın Avropa məsələləri üzrə naziri, millət vəkili Devid Liddinqtona məktubla müraciət edib.

Avropa Azərbaycan Cəmiyyətindən Publika.az-a verilən məlumata görə, məktubda deyilir:

“15 iyul tarixində Şahbaz Quliyev və Dilqəm Əsgərov mübahisəli Dağlıq Qarabağ ərazisində yerləşən Kəlbəcər rayonunun Şaplar kəndində ermənilər tərəfindən saxlanılmışlar. Hər iki şəxs nə Ermənistan, nə də BMT tərəfindən tanınmayan, lakin ermənilər tərəfindən “sərhəd” kimi iddia edilən Dağlıq Qarabağ ərazisinə ailələrinin məzarını ziyarət etmək məqsədilə daxil olmuşlar. Lakin, onlar hüquqi müdafiə ilə təmin edilmədən saxlanılmış, daha sonra erməni telekanallarında “təxribatçı” kimi təqdim edilmişdirlər. Onlara bir mülki şəxsin və bir hərbiçinin ölümündə ittiham irəli sürülmüşdür. Ailə üzvlərinin məzarını ziyarət etmək üçün Dağlıq Qarabağa daxil olmuş digər azərbaycanlı, Həsən Həsənovun Şaplar kəndindəki əməliyyat zamanı öldürüldüyü Ermənistan qüvvələri tərəfindən bəyan edilmişdir.

Əminəm, Siz də razılaşarsınız ki, heç bir mülki şəxs öz evlərini ziyarət etmək istəyində olduğu üçün bu şəkildə rəftar görməməlidir. Yəni saxlanılmamalı, və yaxud öldürülməməlidir. Bu şəxslərə Beynəlxalq Qırmızı Xaç Komitəsi tərəfindən zəruri yardımın və konsulluq xidmətinin göstərilməsi zəruridir. Başa düşürəm ki, hazırda regionda həllini gözləyən daha böyük problemlər var. Lakin mən ümidvaram ki, Siz Böyük Britaniyaya dost ölkə olan və bu yaxınlarda münaqişənin yenidən alovlandığı Azərbaycan üçün bu məsələnin həllinin və üç şəxsin doğma evlərinə qaytarılmasının nə qədər mühüm olduğunu anlayışla qarşılayacaqsınız. Öldürüldüyü bildirilən cənab Həsənovun məsələsi ilə bağlı ümid edirəm ki, Siz Dağlıq Qarabağda əsas söz sahibi olan Ermənistan hakimiyyətini onun ölüm faktını təsdiq etməyə, nəşinin ailəsinə qaytarılması və ölüm səbəbəni araşdırmaq üçün bütün zəruri addımların atılmasına çağırasınız.

Sizin cavabınızı gözləyir və ümid edirəm ki, Böyük Britaniya hökuməti məsələnin tezliklə həllinə səy göstərəcəkdir”.

Xəbər lenti

DAHA ÇOX XƏBƏR